નારેશ્વર ખાતે નર્મદા માં ડૂબી જતાં કોસંબા ના 2 યુવાનો ના મોત :ત્રણ ને બચાવાયા.

હાલ માં વેકેશનમાં નર્મદા નદી માં નહાવા માટે મોટી સંખ્યામાં પ્રવાસીઓ ઉમટી રહયા છે ત્યારે અકસ્માત ના બનાવો માં પણ વધારો થયો છે ત્યારે સુરત જિલ્લાના કોસંબા નજીક આવેલા તરસાલી ગામના 5 યુવાનો નારેશ્વર ખાતે નર્મદા નદીમાં નહાવા પડતા ડૂબ્યા હતાં. જેમાંથી 2 યુવાનના મૃતદેહ મળ્યા હતા. જ્યારે 3 યુવાનો ને બચાવી લેવાયા હતા.
સુરત જિલ્લાના કોસંબા નજીક આવેલા તરસાલી ગામના 8 યુવાનો કરજણ નજીક આવેલા નારેશ્વર ખાતે બપોરે 12 વાગ્યાની આસપાસ નર્મદા નદીમાં નહાવા માટે પડ્યા હતા. આ સમયે અચાનક જ 5 યુવાનો ડૂબવા લાગ્યા હતા. જે પૈકી 3 યુવાનોને બચાવી લેવામાં આવ્યા હતા. પરંતુ બે યુવાન ડૂબી ગયા હતા. ભારે શોધખોળ બાદ બંનેના મૃતદેહ નર્મદા નદીમાંથી બહાર કાઢવામાં આવ્યા હતા.મૃતકો માં
નવઘણ બાબરભાઇ રબારી(17) રહે, પટેલપાર્ક સોસાયટી, તરસાલી કોસંબા
પિન્ટુભાઇ ગોપાલભાઇ ટાંક (31) રહે, પટેલપાર્ક સોસાયટી, તરસાલી કોસંબા નો સમાવેશ થાય છે , આ બનાવ ને કારણે અહીં ભારે દોડધામ મચી ગઇ હતી ,ઘટના અંગે ની જાણ થતાંજ કરજણ પોલીસ નો કાફલો સ્થળ પર પહોંચ્યો હતો.