વિડિઓ-અમદાવાદના જમાલપુરમાં શાકભાજીના ફેરિયાઓ નો આક્ષેપ 5000નો હપ્તો ચાલે છે !

અમદાવાદ મ્યુનિસિપલ કોર્પોરેશન દ્વારા જમાલપુર પુલ નીચે જે શાકભાજી નો ધંધો કરતા ગરીબ ફેરિયા ને રિવરફ્રન્ટ માં જગ્યા ફાળવવા માં આવી હતી કે જેથી આ કોરોના જેવી મહામારી વચ્ચે પણ ગરીબ પરિવારો પોતાનું ગુજરાન ચલાવી શકે પરંતુ અહીં તો કઈક અલગ જ પરિસ્થિતિ ઉભી થઇ હતી.અહીં ધંધો કરતા નાના ગરીબ પરિવારો દ્વારા આજે સવારે હોબાળો મચાવ્યો હતો અને જણાવ્યું હતું કે અહીં જે મોટા હોલસેલ ના વેપારીઓ છે તેમની પાસેથી 5000 રૂપિયા ના હપ્તા લઈ ને હોલસેલ ના વેપારીઓ ને બેસવા દેવામાં આવે છે અને પોલીસ અને કોર્પોરેશન ની મિલીભગત થી નાના ગરીબ પરિવારો ને પરેશાન કરી ને આજે ધંધો બંધ કરાવી દેવાતા તંત્ર સામે સવાલો ઉભા થવા પામ્યા છે.આ હોબાળો થતા જ જમાલપુર ના સ્થાનિક કાર્યકર જે આ ગરીબો માટે રાત દિવસ લડી રહ્યા છે તેમને જાણ થતાં જ સ્થાનિક કાર્યકર નીતિન વાઘેલા સ્થળ પર પહોંચી ગયા હતા અને પોલીસ અને કોર્પોરેશન ના અધિકારીઓ ની ઝાટકણી કરી હતી અને તે પોતે પણ આ ગરીબો સાથે આંદોલન કરવા બેસી ગયા હતા.સ્થાનિક પાથરણાવાળાબને સ્થાનિક કાર્યકર નીતિન વાઘેલા એ સત્ય ડે ની ટીમ સાથે વાત કરતા જણાવેલ કે આગામી દિવસો માં તાત્કાલિક પગલાં લેવામાં નહીં આવે તો કોર્પોરેશન નો ઘેરાવો કરવા માં આવશે