આમ આદમી પાર્ટીની મહિલા કોર્પોરેટર પ્રેમી સાથે ભાગી ગઇ હોવાની વાત અને વિવાદ હજી માંડ થાળે પડયો છે. ત્યાં વધુ બે કોર્પોરેટરોના ટેલિફોનિક સંવાદથી નવો રાજકીય સળવળાટ શરૂ થયો છે. બંને વચ્ચે કથિત પણે ગરમજોશીથી થયેલી વાતોને લીધે સુરત શહેરના રાજકારણમાં ફરી ગરમાવો આવી ગયો છે. આમ આદમી પાર્ટીના આ કથિત પુરુષ કોર્પોરેટરે ચારિત્ર્યને મુદ્દે પહેલેથી ખુલાસો કરવાનો વખત આવ્યો છે. ત્યારે આ વખતે રોમેન્ટીક મૂડમાં આવી જઇ પક્ષની સાથી મહિલા કોર્પોરેટર સાથે મર્યાદા ઓળંગીને કરેલી વાતચીત વાઇરલ થઇ છે.
ઓડિયો ક્લિપમાં બંને વચ્ચે થયેલી વાતચીત દરમિયાન ‘હું થોડી કંઇ તમને સામેથી કહું… સારું હાલ, તો, ક્યાં જાવું છે. બોલ…?’ અને ‘તમારે મને જમાડવાની અને ફેરવવાની ઇચ્છા હોય તો કેશ પેમેન્ટ આપી દેજો..!’ કહી મહિલા કોર્પોરેટરે મજાકનાં અંદાજમાં જાહેર કરેલી ઇચ્છાને લઇ સનસનાટી મચી ગઇ છે. બંને વચ્ચેનો આ કથિત સંવાદ સાંભળી રાજકીય વર્તુળોમાં આમ આદમી પાર્ટીમાં શું ચાલી રહ્યું છે. તે અંગે અનેક વાતો વહેતી થઇ છે.
મહિલા – પુરુષ કોર્પોરેટરની વાયરલ ઓડિયોક્લિપનાં અંશો
હલો… તમે સુરત કે અહીંયા…
અહીંયા, અહીંયા…
કેમ કંઈ જવાનું છે કાંઈ..?
તમે ગાંધીનગર આવ્યા છો?
ના, ના હું તો એકલી જ છું.
કંઈક જવું છે ફરવા,
થોડા માણસ જેવા થાવ, થોડા માણસ જેવા… માણસ જેવા જ છીએ..
આ તો મેં કીધું શું કરો છો…
તમારે તમારી બહેનપણીને લઈને આવત ને…
કોણ બહેનપણી.. ઘણાને હોય તો એમ લઈ જવાયને…
હું થોડી કંઈ સામેથી તમને કહું….
સારૂ હાલ ક્યાં જવું છે બોલ..?
પાર્ટીવાળા માથે થોકીને પતાવી દેશે…
આ ધંધો કરવા નથી આવ્યા, આપણે શુદ્ધ કામ કરવા આવ્યા છે.
ડાયરેક્ટ ક્યાં લઈ જાઉ, એમ પુછતા શરમેય ન આવે..
મારું જમા જ છે આમેય,
શું જમા છે…?
ફરવા જવાનું…
તો મારા ભાભીને ઘરેથી લેતા અવાય ને..
આપણા સંબંધ તો ફ્રેન્ડ જેવો જ છે અને રહેશે
તમારે મને જમાડવાની અને ફેરવવાની ઈચ્છા હોય તો મને કેશ પેમેન્ટ આપી દેજો…
ઉલ્લેખનીય છે કે, આમ આદમી પાર્ટીના સૌરાષ્ટ્રમાંથી આવતા બે કોર્પોરેટરો વચ્ચે થયેલી કથિત ટેલિફોનિક સંવાદની ઓડિયો ક્લિપ જોરશોરથી વાઇરલ થઇ છે. જેમાં મહિલા અને પુરુષ કોર્પોરટરો વચ્ચેનાં સંવાદને લઇ રાજકીય વર્તુળોમાં ભારે ચકચાર મચી ગઇ હતી. તેમજ મોબાઇલ ફોન ઉપર થયેલી વાતચીતમાં પુરુષ કોર્પોરેટરની લાળ ટપકતી ઇચ્છા અને મતિને લઇ અનેક તર્ક-વર્તક વહેતા થયા છે.
