એમેઝોનનું પ્રાઇમ ડે સેલ તાજેતરમાં સમાપ્ત થયું છે અને હવે 5 ઓગસ્ટથી ગ્રેટ ફ્રીડમ ફેસ્ટિવલ સેલ શરૂ થઈ રહ્યું છે. 5 ઓગસ્ટથી ફ્લિપકાર્ટનું બિગ સેવિંગ ડેઝ સેલ શરૂ થઈ રહ્યું છે, જે 9 ઓગસ્ટ સુધી ચાલશે, એટલે કે, આગામી પાંચ દિવસ માટે, દેશની બે મોટી ઈ-કોમર્સ સાઇટ્સ પર બે મોટા સેલનું આયોજન થવા જઈ રહ્યું છે. હવે સવાલ એ છે કે એમેઝોન પર કે ફ્લિપકાર્ટ પર વધુ સારી ઓફર મળશે? ચાલો એ જાણવાનો પ્રયત્ન કરીએ …
એમેઝોન ગ્રેડ ફ્રીડમ ફેસ્ટિવલ સેલ ઓફર
એમેઝોનના આ પાંચ દિવસના સેલમાં, તમને મોબાઇલ અને એસેસરીઝ પર 40 ટકા અને ઇલેક્ટ્રોનિક વસ્તુઓ પર 60 ટકા છૂટ મળશે. આ સેલમાં તમને ટીવી પર 55 ટકાની છૂટ મળશે. બીજી બાજુ, SBI કાર્ડ ધારકોને કેશબેક રિવોર્ડ મળશે. આ સેલમાં તમને કેમેરા પર 60 ટકા સુધીની છૂટ મળશે. આ ઉપરાંત, ટ્રાઇપોડ, હેડફોન અને સ્પીકર્સ પર 60 ટકા સુધીની છૂટ પણ ઉપલબ્ધ રહેશે. SBI કાર્ડ ધારકને 10 ટકાનું ઇંસ્ટંટ ડિસ્કાઉન્ટ મળશે.
જો તમે નવું લેપટોપ ખરીદવાનું વિચારી રહ્યા છો, તો તમે 30 હજાર રૂપિયા સુધીનું ડિસ્કાઉન્ટ મેળવી શકો છો, જ્યારે જો તમે પ્રિન્ટર અથવા અન્ય એસેસરીઝ ખરીદો છો, તો તમને 30 ટકા ડિસ્કાઉન્ટ મળશે. 60% ડિસ્કાઉન્ટ સાથે સ્માર્ટવોચ, વાઇ-ફાઇ રાઉટર, મેમરી કાર્ડ, સ્માર્ટ સિક્યુરિટી કેમેરા વગેરે ખરીદી શકાય છે. એમેઝોન ગ્રેટ ફ્રીડમ ફેસ્ટિવલ સેલમાં સ્માર્ટફોન અને એસેસરીઝ પર 40 ટકાની છૂટ જોવા મળશે, જ્યારે એમેઝોન પ્રાઈમ સભ્યોને ત્રણ મહિનાનો નો-કોસ્ટ ઈએમઆઈ વિકલ્પ મળશે. તાજેતરમાં લોન્ચ થયેલ OnePlus Nord 2, OnePlus Nord CE 5G, Samsung M21 2021, iQoo Z3 5G પણ ઘણી ઓફર સાથે ખરીદી શકાય છે.
ફ્લિપકાર્ટ બિગ સેવિંગ ડેઝ સેલ ઓફર
ફ્લિપકાર્ટના બિગ સેવિંગ ડેઝ સેલમાં તમને એક્સિસ બેંક અને ICICI બેંક ક્રેડિટ કાર્ડ પર 10 ટકા ઇન્સ્ટન્ટ કેશબેક મળશે. બીજી બાજુ, ઇલેક્ટ્રોનિક વસ્તુઓ અને એસેસરીઝ પર 80 ટકા સુધીનું ડિસ્કાઉન્ટ મળશે. આ સિવાય ટીવી અને ઉપકરણો પર 75 ટકા ડિસ્કાઉન્ટ મળશે.
આ ફ્લિપકાર્ટ સેલમાં, Asus ROG Phone 3 ને 39,999 રૂપિયામાં ખરીદી શકાય છે, જ્યારે તેની પ્રારંભિક કિંમત હાલમાં 46,999 રૂપિયા છે. મતલબ આ ફ્લિપકાર્ટ સેલમાં તમને આ ફોન પર 7,000 રૂપિયાનું ડિસ્કાઉન્ટ મળશે. બીજી બાજુ, Motorola Razr 74,999 રૂપિયાને બદલે માત્ર 54,999 રૂપિયામાં ખરીદી શકશો.
Moto G40 Fusion ફ્લિપકાર્ટ સેલમાં 13,499 રૂપિયામાં ઉપલબ્ધ થશે, જ્યારે તેની બજાર કિંમત હાલમાં 14,499 રૂપિયા છે. બીજી બાજુ, Moto G60 રૂ. 1,000 ના ડિસ્કાઉન્ટ સાથે 16,999 રૂપિયામાં લિસ્ટેડ છે. Infinix Hot 10S ને 500 રૂપિયાના ડિસ્કાઉન્ટ સાથે 9,499 રૂપિયામાં ખરીદી શકાય છે.
સેમસંગ ગેલેક્સી બડ્સ લાઇવને સેલમાં 5,990 રૂપિયામાં ખરીદવાની તક મળશે, તેની MRP 15,990 રૂપિયા છે. આઇફોન 12 મીની 64 જીબી વેરિએન્ટને 59,999 રૂપિયામાં ખરીદવાની તક મળશે. તેની MRP 69,900 રૂપિયા છે.
