જો તમે સોનું કે ચાંદી ખરીદવાનું વિચારી રહ્યા છો, તો તમારા માટે સારા સમાચાર છે. આજે સોના અને ચાંદીના ભાવમાં મોટો ઘટાડો જોવા મળ્યો છે. આવી સ્થિતિમાં જો તમે પણ સોનું અને ચાંદી ખરીદવા માંગતા હોવ તો તરત જ ખરીદી લો.
મલ્ટી કોમોડિટી એક્સચેન્જ (MCX) પર આજે સવારે, 24 કેરેટ શુદ્ધતાના વાયદાના ભાવ રૂ. 44 વધીને રૂ. 51,282 પ્રતિ 10 ગ્રામ થયા છે, જ્યારે એમસીએક્સ પર ચાંદીના વાયદાના ભાવ રૂ. 274 ઘટીને રૂ. 54,055 પ્રતિ કિલો થયા છે. અગાઉ સોનું આજે રૂ. 51,100ના સ્તરે ખુલ્યું હતું, જ્યારે ચાંદીમાં અગાઉ રૂ. 53,909ના સ્તરે ખુલીને ટ્રેડિંગ શરૂ થયું હતું.
સોનાની કિંમત હાલમાં તેના અગાઉના બંધ ભાવ કરતાં 0.09 ટકા વધી રહી છે, જ્યારે ચાંદીની કિંમત હાલમાં તેના અગાઉના બંધ ભાવ કરતાં 0.50 ટકા ઉપર છે.
હવે વાત કરીએ ગ્લોબલ માર્કેટની તો આજે ગ્લોબલ માર્કેટમાં સોના-ચાંદીના ભાવમાં ઘટાડો થયો છે. અમેરિકી બજારમાં સોનાનો હાજર ભાવ 0.24 ટકા ઘટીને 1,735.6 ડોલર પ્રતિ ઔંસ થયો હતો. એ જ રીતે, ચાંદીની હાજર કિંમત પણ 0.41 ટકા ઘટીને 18.72 ડોલર પ્રતિ ઔંસ થઈ ગઈ છે. ડૉલરની મજબૂતીને કારણે અત્યારે વૈશ્વિક બજારમાં સોના અને ચાંદીની કિંમતો પર દબાણ છે, પરંતુ ટૂંક સમયમાં તેની કિંમતો વધી શકે છે.
સોના અને ચાંદીના ભાવમાં આવેલા ફેરફાર અંગે નિષ્ણાતોનું માનવું છે કે સોનાના ભાવમાં વધુ વધારો જોવા મળી શકે છે. વૈશ્વિક બજારમાં આવનારા સુધારાની અસર ભારતીય બજાર પર ચોક્કસપણે જોવા મળશે. તેના પરથી અંદાજ લગાવી શકાય છે કે એક મહિના પહેલા સુધી જે સોનું 50 હજારની આસપાસ જોવા મળતું હતું તે હવે 52 હજારની નજીક પહોંચી ગયું છે. નિષ્ણાતોનું માનવું છે કે જેમ જેમ ડોલર ઘટશે તેમ સોના-ચાંદીના ભાવ વધશે. એટલું જ નહીં આ વર્ષના અંત સુધીમાં સોનું 55 હજારના સ્તરને સ્પર્શી શકે છે.
