ગુજરાત વિધાનસભા ચૂંટણીમાં કોંગ્રેસને ભલે વિજય મળ્યો નથી, પરંતુ ભાજપને કોંગ્રેસે અા વખતે કડક ટક્કર આપી છે. રાજનીતિના જાણકારોનું માનવું છે કે ગુજરાતનું પરિણામ આગામી વર્ષે ડિસેમ્બરમાં યોજાનાર રાજસ્થાન ચૂંટણી પર પણ ગંભીર અસર કરશે.
આવુ અેટલે કહેવાય છે કે ગુજરાત અને રાજસ્થાન બોર્ડરની 7 બેઠકો પર ભાજપની હાર થઈ છે, જ્યારે બે બેઠકો પર માત્ર ભાજપ ખાતુ ખોલી શકી છે.પરિણામો જોતા રાજસ્થાન સાથે જોડાયેલ બેઠકો ધાનેરા, મોડાસા, ભીલોડા, દાહોદ, ખેડબ્રહ્મા, દાંતા, અને ઝાલોર સહિત 7 બેઠકો પર કોંગ્રેસે કબજો જમાવ્યો છે. સંતરામપુરા અને ફતેપૂરા સીટ પર ભાજપ જીત્યો છે કહેવાય છે કે તેનો પ્રભાવ રાજસ્થાનની વિધાનસભા ચૂંટણીમાં પણ દેખાશે. અાવા સમયે ભાજપની અકળામણ વધે જ તે સ્વાભાવિક છે.
કોંગ્રેસની વાત કરીઅે તો ગુજરાતના પરિણામોથી પાર્ટીને એક નવી શક્તિ મળી છે. પરંતુ આ પરિણામ રાજસ્થાનમાં કોંગ્રેસ વચ્ચે ફુટ બની શકે છે.
ભૂતપૂર્વ મુખ્યમંત્રી અને કોંગ્રેસના ગુજરાતના પ્રભારી અશોક ગેહલોતે રણનીતિ દર્શાવી છે વડાપ્રધાન મોદીને પોતાના જ રાજ્યમાં જીત માટે ખુબજ મહેનત કરવી પડી હતી.રાહુલના ચાણક્ય ગણાતા ગેહલોતનું પાર્ટીમાં કદ વધ્યું છે.તો બીજી તરફ સચિન પાયલોટ અજમેરમાં અને અલવરમાં કોંગ્રેસને જીત અપાવે તો પાર્ટીમાં જ અંદર અંદર જ હરિફાઈ થશે.
ગુજરાત રાજસ્થાન સીમા ગણિત પર નજર કરીએ તો 25 સીમાવર્તી બેઠકો પર 2013માં રાજસ્થાન ચૂંટણીમાં 21 બેઠકો ભાજપ પાસે હતી, જ્યારે કોંગ્રેસ પાસે માત્ર ત્રણ બેઠકો હતી.અાવામાં આગામી ચૂંટણીમાં આંકડાઓ બદલાય તેવી શક્યતા છે.


Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.