ચીનના અલગ-અલગ શહેરોમાં ફરી કોરાના વધવા લાગી છે. લાન્ઝોઉમાં લોકડાઉન પહેલા, ચીનના ઉત્તર અને ઉત્તર પશ્ચિમ પ્રાંતના ઘણા શહેરોએ શાળાઓ બંધ કરવાનું અને ફ્લાઇટ્સ સ્થગિત કરવાનું શરૂ કર્યું છે.
ચીનના વુહાનથી શરૂ થયેલો કોરોના સંક્રમણ ફરી એકવાર પાછો ફરવા લાગ્યો છે. ચીનના ઘણા પ્રાંતોમાં કોરોનાના નવા કેસ સામે આવી રહ્યા છે. હવે સમાચાર આવી રહ્યા છે કે ચીનના લાન્ઝોઉ શહેરમાં કોરોના સંક્રમિતોની વધતી જતી સંખ્યાને જોતા સંપૂર્ણ લોકડાઉન લાદવામાં આવ્યું છે. ચાર લાખની વસ્તી ધરાવતા આ શહેરમાં ઈમરજન્સી સિવાય લોકોને ઘરની બહાર નીકળવા પર પ્રતિબંધ મુકવામાં આવ્યો છે.
ચીનના ઉત્તર-પશ્ચિમ પ્રાંતના લાન્ઝોઉ શહેરમાં મંગળવારે છ કોરોના સંક્રમિત નોંધાયા છે, જે પછી સમગ્ર દેશમાં કોરોના દર્દીઓની કુલ સંખ્યા વધીને 29 થઈ ગઈ છે. આ પછી પ્રશાસને ઝીરો ટોલરન્સ પોલિસી હેઠળ સમગ્ર શહેરમાં લોકડાઉનની જાહેરાત કરી છે. સ્થાનિક વહીવટીતંત્રનું કહેવું છે કે લાંઝુમાં આવશ્યક ચીજવસ્તુઓ અને તબીબી સુવિધાઓની સપ્લાયની વ્યવસ્થા કરવામાં આવી છે.
બે ઉત્તરીય પ્રદેશોમાં પણ લોકડાઉન લાદવામાં આવ્યું હતું
આ પહેલા 20 ઓક્ટોબરે ચીનના બે ઉત્તરીય પ્રદેશોમાં લોકડાઉન લાદવામાં આવ્યું હતું. ચીનના નેશનલ હેલ્થ કમિશન અનુસાર, સોમવારે અહીં નવ લોકોમાં કોરોના સંક્રમણની પુષ્ટિ થઈ હતી. આ પછી અહીં લોકડાઉનની જાહેરાત કરવામાં આવી હતી. આ સિવાય ચીનના મંગોલિયામાં પણ નવ દર્દીઓ નોંધાયા છે.
શાળાઓ બંધ, ફ્લાઈટ્સ રદ
ચીનમાં વધી રહેલા કોરોના સંક્રમણને જોતા ફરી એકવાર શાળાઓ બંધ થવા લાગી છે. આ સિવાય ઘણી હવાઈ ઉડાનો પણ રદ કરવામાં આવી છે.
