કોંગ્રેસ નેતા અહમદ પટેલે ભરૂચમાં મતદાન કર્યું

ગુજરાત વિધાનસભાની ચૂંટણીના પ્રથમ તબક્કામાં ૧૮૨ વિધાનસભામાંથી ૧૯ જિલ્લાની ૮૯ બેઠકો માટે ૯ ડિસેમ્બરના રોજ આજે મતદાન શરુ થયું છે . જેમાં પ્રથમ કલાકમાં સરેરાશ ૮.૫૦ ટકા જેટલું મતદાન નોંધાયું છે. જયારે કોંગ્રેસ પ્રમુખ સોનિયા ગાંધીના રાજકીય સલાહકાર અને સાંસદ અહમદ પટેલે ભરૂચમાં મતદાન કર્યું હતું. તેમણે મતદાન બાદ જણાવ્યું હતું કે આ વખતે ગુજરાતમાં કોંગ્રેસનો વિજય નિશ્ચિત છે.
પ્રથમ તબક્કામાં દક્ષિણ ગુજરાતના નર્મદા, ભરુચ, સુરત, તાપી, ડાંગ, નવસારી અને વલસાડ જીલ્લાની ૩૫ બેઠકો પર આજે મતદાન શરૂ થયું છે. જેમાં પાટીદાર અનામત આંદોલન અને જીએસટીના મુદ્દે ભાજપ અને કોંગ્રેસ વચ્ચે રસાકસીનો જંગ જોવા મળશે. જયારે તે સિવાયના આદિવાસી જીલ્લામાં પણ આદિવાસીનો મુડ જ બેઠકો પરનું પરિણામ નક્કી કરશે.કોંગ્રેસ નેતા અહમદ પટેલે ભરૂચમાં મતદાન કર્યું હતું.