ભારતીય કાર બજારનું ચિત્ર ઝડપથી બદલાઈ રહ્યું છે. એક તરફ સરકાર ઇલેક્ટ્રિક વાહનોને પ્રોત્સાહન આપી રહી છે તો બીજી તરફ કસ્ટમરની પસંદગી પણ બદલાઈ રહી છે. નાની કાર માટે પોપ્યુલર ભારતીય કસ્ટમર હવે SUV ખરીદવાનું પસંદ કરી રહ્યા છે. આ તમામ પરિબળોની અસર ભારતીય કાર બજાર પર સ્પષ્ટ દેખાઈ રહી છે. જ્યારે ટાટા મોટર્સ અને મહિન્દ્રા એન્ડ મહિન્દ્રા જેવી ભારતીય કાર કંપનીઓને આનો ફાયદો થઈ રહ્યો છે, ત્યારે વિદેશી કંપનીઓનો બજારહિસ્સો સતત ઘટી રહ્યો છે.
મારુતિનો માર્કેટ શેર ઘટી રહ્યો છે
મારુતિ સુઝુકીનો બજાર હિસ્સો ઘટીને 40 ટકાથી ઓછો થઈ ગયો છે. છેલ્લા ત્રણ વર્ષમાં ભારતીય કાર માર્કેટમાં મારુતિ સુઝુકીનો હિસ્સો 8 ટકાનો ઘટાડો જોવા મળ્યો છે.
ટાટાની કારની માંગ વધી રહી છે
ભારતીય કાર બજારમાં આવતા આ ફેરફારથી સૌથી વધુ ફાયદો ટાટા મોટર્સને થયો છે. એસયુવીની વધતી માંગને ધ્યાનમાં રાખીને, ટાટા મોટર્સે નેક્સોન, હેરિયર અને પંચ જેવા મોડલ લોન્ચ કર્યા. ભારતીય ગ્રાહકોને નેક્સોન ખૂબ જ ગમી. તેનું ઇલેક્ટ્રિક વેરિએન્ટ Nexon EV ભારતીય બજારમાં સૌથી વધુ વેચાતી ઇલેક્ટ્રિક કાર છે. બીજી તરફ ટાટાના આ પંચને ગ્રાહકો પસંદ કરી રહ્યા છે જેઓ ઓછા બજેટમાં એસયુવીની મજા લેવા માગે છે. ટાટા મોટર્સે પણ સલામતીના સંદર્ભમાં નોંધપાત્ર ફેરફાર કર્યા છે. સેફ્ટી રેટિંગ પ્રત્યે નજર અંદાજ કરતા ભારતીય માર્કેટમાં ટાટાએ એક પછી એક ફાઈવ સ્ટાર સેફ્ટી રેટિંગવાળી કાર લોન્ચ કરી.
ગ્રોથમાં ઘણી પાછળ છે મારુતિ અને હુંડાઇ
જો આપણે ઓગસ્ટ મહિનાના વેચાણના આંકડાઓ પર નજર કરીએ તો મારુતિ સુઝુકી 1,34,166 કારનું વેચાણ કરીને પ્રથમ ક્રમે છે. આ એક વર્ષ અગાઉ એટલે કે ઓગસ્ટ 2021ના વેચાણ કરતાં 30 ટકા વધુ છે. તે પછી હ્યુન્ડાઇનો નંબર આવે છે, જેણે ઓગસ્ટ 2022માં 49,510 કારનું વેચાણ કર્યું હતું. હ્યુન્ડાઈના વેચાણમાં એક વર્ષ અગાઉની સરખામણીમાં 5.6 ટકાનો વધારો થયો છે. બીજી તરફ ટાટા અને મહિન્દ્રા પર નજર કરીએ તો વૃદ્ધિનો આંકડો જબરદસ્ત છે. ટાટા મોટર્સે ઓગસ્ટમાં 47,166 કાર વેચી હતી. ઓગસ્ટ 2021માં 28,018 યુનિટના વેચાણની સરખામણીમાં આ 68 ટકાની વૃદ્ધિ છે. એ જ રીતે, મહિન્દ્રા એન્ડ મહિન્દ્રાના પેસેન્જર વ્હીકલ સેગમેન્ટમાં આ સમયગાળા દરમિયાન વેચાણ 87 ટકા વધીને 29,852 યુનિટ થયું હતું.
આ કંપનીઓને પણ તકલીફ પડી રહી છે
ટાટા મોટર્સ અને મહિન્દ્રા એન્ડ મહિન્દ્રા જેવી સ્થાનિક કંપનીઓને આ સફળતા એવા સમયે મળી છે જ્યારે એકંદર કાર માર્કેટમાં નબળાઈ નોંધાઈ રહી છે. મારુતિ સુઝુકીએ 2019-20 સુધી 50% બજાર પર કબજો જમાવ્યો હતો, પરંતુ હવે તેનો બજાર હિસ્સો ઘટીને 40% થી નીચે આવી ગયો છે. તેનું મુખ્ય કારણ એ પણ છે કે SUV સેગમેન્ટમાં મારુતિનો હિસ્સો ખૂબ જ ઓછો છે. આ સાથે ડીઝલ કારનું ઉત્પાદન બંધ થવાને કારણે મારુતિ સુઝુકીનો માર્કેટ શેર પણ ઘટ્યો છે. મહિન્દ્રા એન્ડ મહિન્દ્રા અને ટાટા મોટર્સની આ સફળતાને કારણે હ્યુન્ડાઈ અને મારુતિ સુઝુકી ઉપરાંત ટોયોટા, હોન્ડા અને ફોક્સવેગન જેવી અન્ય વિદેશી કાર કંપનીઓ પણ મુશ્કેલ પડકારનો સામનો કરી રહી છે..
