પોસ્ટ ઓફિસને દેશની ધમની કહેવામાં આવે છે. દેશભરમાં 3 લાખથી વધુ પોસ્ટ ઓફિસ છે. તમને જણાવી દઈએ કે આ પોસ્ટ ઓફિસ માત્ર પત્રો અથવા પાર્સલ પહોંચાડવાનું કામ જ નથી કરતી, પરંતુ બચત યોજના અને વીમા જેવી નાણાકીય સેવાઓ પણ પૂરી પાડે છે. પોસ્ટ ઓફિસ તમને માત્ર વ્યાજથી રૂપિયા કમાવવાની તક નથી આપી રહી, હવે તમે પોસ્ટ ઓફિસની ફ્રેન્ચાઈઝી પણ લઈ શકો છો. તમારા વિસ્તારમાં આ ફ્રેન્ચાઈઝી લઈને, તમે સામાન્ય લોકોને સેવાઓ પૂરી પાડી શકો છો અને પોતે સારો નફો કમાઈ શકો છો. આ અહેવાલમાં અમે તમને જણાવીશું કે તમે તેનો લાભ કેવી રીતે લઈ શકો છો.
પોસ્ટ વિભાગ આપી રહ્યું છે ફ્રેન્ચાઇઝીપોસ્ટલ વિભાગની ફ્રેન્ચાઈઝી લઈને તમે પોસ્ટેજ સ્ટેમ્પ, સ્પીડ પોસ્ટ, રજિસ્ટ્રી, મની ઓર્ડર વગેરે જેવી સેવા આપીને કમાણી કરી શકો છો. આ યોજના હેઠળ કોઈપણ ભારતીય નાગરિક પોસ્ટ ઓફિસની ફ્રેન્ચાઈઝી લઈ શકે છે. ફ્રેન્ચાઈઝી મોડલ હેઠળ ભારતીય ટપાલ વિભાગે પોસ્ટ ઓફિસો આપવાનું શરૂ કર્યું છે.
એકવાર તમને પોસ્ટ ઓફિસ ફ્રેન્ચાઇઝી મળશે. તે પછી 6 મહિના પછી તેને આગળ લઈ જવા માટે તેની સમીક્ષા કરવામાં આવશે. પોસ્ટલ વિભાગના જણાવ્યા મુજબ જો તમારું કામ સારું હશે તો તેને આગળ વધારવામાં આવશે.આવી રીતો કરો એપ્લાયપોસ્ટ ઓફિસ ફ્રેન્ચાઈઝી લેવા માટે તમારી લઘુત્તમ ઉંમર 18 વર્ષ હોવી જોઈએ. આ સિવાય તમારી પાસે 8 પાસની માર્કશીટ હોવી જોઈએ. આ સ્કીમની ખાસ વાત એ છે કે તેમાં કોઈ મહત્તમ વય મર્યાદા નથી, એટલે કે તમે નિવૃત્તિ પછી પણ તેની ફ્રેન્ચાઈઝી લઈ શકો છો.
જો તમે તેના માટે અરજી કરવા માંગો છો, તો તમારે પોસ્ટલ વિભાગમાં સિક્યોરિટી તરીકે 5000 રૂપિયા જમા કરાવવા પડશે અને તમારી પાસે 200 ચોરસ ફૂટની ઓફિસ પણ હોવી જોઈએ. તેના પછી તમને ફ્રેન્ચાઇઝી મોડલ પર પોસ્ટ ઓફિસ મળશે.કેટલુ હશે કમિશનભારતીય ટપાલ વિભાગની વેબસાઇટ મુજબ તમને રજીસ્ટ્રેશન પર 3 રૂપિયા, સ્પીડ પોસ્ટ કરવા પર 5 રૂપિયા, ટિકિટ વેચવા પર ટિકિટ પ્રાઇસ પર 5 ટકા કમિશન, સ્પીડ પોસ્ટ પાર્સલ પર 7 થી 10 ટકા કમિશન મળશે. કમિશન વિશે વધુ માહિતી માટે તમે સત્તાવાર વેબસાઇટની પણ મુલાકાત લઈ શકો છો.અહીં શરૂ કરી શકો છો પોસ્ટ ઓફિસપોસ્ટ ઓફિસ ફક્ત તે જ જગ્યાએ ખોલી શકાય છે જ્યાં હાલમાં કોઈ પોસ્ટ ઓફિસ નથી.
તમે જ્યાં રહો છો અને તે વિસ્તારમાં કોઈ પોસ્ટ ઓફિસ નથી, તો તમે ફ્રેન્ચાઈઝી મોડલ પર પોસ્ટ ઓફિસ ખોલી શકો છો. છેવાડાના વિસ્તારોમાં રહેતા બેરોજગાર યુવાનો પણ આનો લાભ લઈ શકશે.કેટલા પ્રકારની છે ફ્રેન્ચાઇઝી ?પોસ્ટ વિભાગની વેબસાઈટ મુજહ વિભાગ દ્વારા બે પ્રકારની ફ્રેન્ચાઈઝી આપવામાં આવી રહી છે. પ્રથમ વિકલ્પ ફ્રેન્ચાઇઝ આઉટલેટ શરૂ કરવાનો છે અને બીજો પોસ્ટલ એજન્ટ બનવાનો છે. જે સ્થળોએ પોસ્ટલ સેવાઓની માંગ છે પરંતુ ત્યાં પોસ્ટ ઓફિસ ખોલવી શક્ય નથી ત્યાં ફ્રેન્ચાઇઝી દ્વારા આઉટલેટ ખોલી શકાય છે. જ્યારે પોસ્ટલ એજન્ટો ગ્રામીણ અને શહેરી બંને વિસ્તારોમાં પોસ્ટેજ સ્ટેમ્પ અને સ્ટેશનરી વેચી શકે છે.