જુડવા-૨ ફિલ્મના નવા ગીત આ તો સહીની હવે ધુમ હશે

મુંબઇ,: વર્ષ ૧૯૯૭માં આવેલી કોમેડી ફિલ્મ જુડવાએ લોકોને એ વખતે રોમાંચિત કર્યા હતા. હવે તેની સિક્વલ ફિલ્મ જુડવા-૨ ફિલ્મ રજૂ થવાની તૈયારીમાં છે. આ ફિલ્મ ૨૯મી સપ્ટેમ્બરના દિવસે દેશભરમાં રજૂ કરવામાં આવનાર છે. ફિલ્મમાં વરૃણ ધવનની સાથે જેક્લીન અને તાપ્સી પન્નુ મુખ્ય ભૂમિકા અદા કરનાર છે. ફિલ્મનુ નિર્દેશન ડેવિડ ધવન કરી રહ્યા છે. જ્યારે નિર્માતા તરીકે સાજિદ નડિયાદવાલા છે. ફિલ્મના એક પછી એક ગીત રજૂ કરવામાં આવી રહ્યા છે. હવે તેના નવા ગીતને રજૂ કરવામાં આવ્યા બાદ ચાહકોમાં તેની પણ ચર્ચા જોવા મળી રહી છે. જુડવા-૨ ફિલ્મ રજૂ કરવામાં આવે તે પહેલા જ તેના સંગીતે તમામ લોકોના દિલ જીતી લીધા છે. ફિલ્મનુ નવી ગીત આ તો સહી રજૂ કરવામાં આવ્યુ છે. બીચ પર શુટ કરવામાં આવેલા આ ગીતમાં તાપ્સી અને જેક્લીન વરૃણ ધવનની સાથે ગ્લેમર અંદાજમાં નજરે પડનાર છે. ગીતનુ સંગીત એટલુ જોરદાર અને આકર્ષક તૈયાર કરાયુ છે કે સરળતાથી તે તમામને ગળે ઉતરી જશે. ફિલ્મના આ ગીતને નેહા કક્કડ અને મીટ બ્રધર્સ દ્વારા ગાયુ છે. ફિલ્મમાં વરૃણ ધવન સલમાનની સાથે કોપી કરતો નજરે પડનાર છે. ફિલ્મ ડેવિડ ધવનની હોવાથી તમામ મશાલા ફિલ્મમાં રાખવામાં આવ્યા છે. ફિલ્મના કલાકારો ફિલ્મની રજૂઆતને લઇને આશાવાદી બનેલા છે. વિતેલા વર્ષોની ફિલ્મ હિટ રહ્યા બાદ આ ફિલ્મ પાસેથી પણ ચાહકો આશા રાખી રહ્યા છે. વિતેલા વર્ષોની ફિલ્મમાં સલમાન ખાને ડબલ રોલમાં ભૂમિકા કરી હતી. તેની સાથે કરિશ્મા કપુર અને રંભાએ ભૂમિકા અદા કરી હતી. જુડવા-૨ ફિલ્મને લઇને ચાહકો ભારે ઉત્સુક છે. ફિલ્મને જોવા માટે ચાહકો ભારે ઉત્સુક બની ગયા છે. ફિલ્મ તહેવાર પર ધુમ મચાવનાર છે.