સોમવારે રાત્રે દિલ્હી સરકારે મોટો નિર્ણય લીધો જેમાં દારૂના રેટમાં 70% નો વધારો થયો હતો. દિલ્હી સરકારે ‘સ્પેશિયલ કોરોના ફી‘ હેઠળ આ ટેક્સમાં વધારો કર્યો છે. વધેલા ભાવ આજથી જ દિલ્હી માં લાગુ થશે. દિલ્હી સરકારે MRP પર 70% વેરો જાહેર કર્યો છે, જેનો મતલબ છે કે દિલ્હી માં 1000 વાળી દારૂની બોટલ આજ થી 1700 રૂપિયા માં મળશે.
સોમવાર થી દેશમાં લોકડાઉન ત્રીજા તબક્કામાં શરૂ થઈ ગયું છે. કોરોનાને લીધે લોકડાઉનને બે અઠવાડિયા માટે વધારી દેવામાં આવ્યું છે. જો કે આ વખતે લોકડાઉનમાં કેટલીક છૂટછાટ આપવામાં આવી છે, તેમાં દારૂના વેચાણને પણ મંજૂરી આપવામાં આવી છે. સોમવારથી દેશના ઘણા શહેરોમાં દારૂની દુકાન ખોલવામાં આવી હતી જ્યાં લાંબી કતારો પણ જોવા મળી હતી. આજે દિલ્હી સરકારના આ નિર્ણયથી દિલ્હી માં દારૂ મોંઘો થઈ જશે. જોકે રાતોરાત સરકારે ભીડ ઓછી કરવા માટે દારૂના ભાવ વધારી દીધા છે.
