દવાની અસરના કારણે મહિલાઓની જેમ પુરૂષના સ્તન વધી ગયા

દવાની આડઅસરનો એક ચોંકાવનારો કિસ્સો અમેરિકામાં સામે આવ્યો છે. આ દવાની આડઅસરના કારણે એક પુરૂષના સ્તન મહિલાઓની જેમ વધી ગયા હતા. આ મામલો કોર્ટમાં જતા ફિલાડેફિલિયાની કોર્ટે જોન્સન એન્ડ જોન્સન કંપનીને રૂપિયા 56,000 કરોડનો દંડ ફટકાર્યો છે. કંપની તેના એન્ટિફિઝિયોટિક ડ્રગ રિસ્પરડેલ અંગે યુવાનને ચેતવણી આપી શકી ન હતી અને આ યુવાનની છાતી સ્તનમાં ફેરવાઇ ગઇ હતી. જોન્સન એન્ડ જોન્સનની સબ્સિડીયરી કંપની જોનસન ફાર્માસ્યુટિકલ બજારમાં ગેરકાયદે આ પ્રકારની દવાનું વેચાણ કરી રહી હતી. જેનાથી ગંભીર ખતરો ઉભો થઇ શકે છે. કોર્ટના રેકોર્ડ અનુસાર મેરીલેન્ડમાં રહેતા નિકોલસ મરેના સ્તન મહિલાઓની જેમ મોટા થઇ ગયા હતા. રિસ્પરડેલ દવાને લઇને પહેલી ટ્રાયલ પર જ્યુરીએ નક્કી કર્યું હતું કે, નુકસાન ભૅરવા માટેની રકમ કેટલી હોવી જોઇએ. ફિલાડેફિલિયાની કોર્ટમાં આ દવા સાથે જોડાયેલા અન્ય કેસો પેન્ડિંગ છે. બીજી તરફ જોન્સન એન્ડ જોન્સન કંપનીએ કહ્યું છે કે, દંડની રકમ ખૂબ જ મોટી છે અને તેઓ આ નિર્ણય સામે અપીલ કરશે. તેમણે એવું પણ કહ્યું હતું કે આ દવાથી થતાં ફાયદા અંગે જ્યુરીએ કંઇ જ સાંભળ્યું ન હતું. જોન્સન એન્ડ જોન્સન કંપનીનું હેડક્વાર્ટર ન્યુ બ્રુન્સવિકમાં છે અને કંપનીનો નિર્ણય એવા સમયે આવ્યો છે જ્યારે કંપની જોન્સન બેબી પાઉડરને લઇને પહેલાથી જ કાયદાકીય દાવપેચનો સામનો કરી રહી છે.