સપ્તાહના બીજા કારોબારી દિવસે શેરબજારમાં ફરી વેચવાલી જોવા મળી હતી. સેન્સેક્સ 93 પોઈન્ટથી વધુ તૂટ્યો, જ્યારે નિફ્ટી પણ લાલ નિશાન પર બંધ થયો. ચાલો જાણીએ આજે કયા શેરોએ રોકાણકારોને મોટો ઝટકો આપ્યો છે.
વૈશ્વિક બજારના મિશ્ર સંકેતો વચ્ચે ભારતીય શેરબજાર સપ્તાહના બીજા ટ્રેડિંગ દિવસે એટલે કે મંગળવાર, 7 જૂને ફરી લાલ નિશાન સાથે બંધ થયું છે. સેન્સેક્સ આજે 567.98 પોઈન્ટ અથવા 1.02% ના ઘટાડા સાથે 55,107.34 પર બંધ થયો, જ્યારે નિફ્ટી 153.20 પોઈન્ટ અથવા 0.92% ના ઘટાડા સાથે 16,416.35 પર બંધ થયો.
બજાર લાલ નિશાન પર ખુલ્યું હતું
આજે સવારે સેન્સેક્સમાં 500થી વધુ પોઈન્ટનો ઘટાડો જોવા મળ્યો હતો, જ્યારે નિફ્ટી પણ લપસી ગયો હતો. સવારના ટ્રેડિંગ સેશનમાં સેન્સેક્સ 532.44 પોઈન્ટ્સ અથવા 0.96% ઘટીને 55,146.66 પર ટ્રેડ કરી રહ્યો હતો, જ્યારે નિફ્ટી 157.80 પોઈન્ટ્સ એટલે કે 0.95% ઘટીને 16,411.75 પર ટ્રેડ થઈ રહ્યો હતો.
રોકાણકારોના 3 લાખ કરોડ રૂપિયા વેડફાયા
આજે શેરબજારમાં ભારે વેચવાલીથી રોકાણકારોના 3 લાખ કરોડથી વધુ રૂપિયા ડૂબી ગયા હતા. નોંધનીય છે કે સોમવારે બજાર બંધ થવા પર BSE પર લિસ્ટેડ કંપનીઓનું માર્કેટ કેપ 25641305 કરોડ રૂપિયા હતું. જ્યારે આજે ઈન્ટ્રાડેમાં તે ઘટીને 25332370 કરોડની નજીક આવી ગયો છે. તેમાં લગભગ 3.08 લાખ કરોડનો ઘટાડો થયો હતો.આજે સેન્સેક્સનું નીચલું સ્તર 54882 રહ્યું છે.
LIC શેર સ્થિતિ
LICના શેરમાં આજે ફરી ઘટાડો થયો છે. આજે એટલે કે 7 જૂને LICનો શેર 24.45 એટલે કે 3.15% ઘટ્યો અને તે ઘટીને 752.90 રૂપિયા પર આવી ગયો.
સોમવારનું પતન
આ પહેલા સપ્તાહના પ્રથમ કારોબારી દિવસે ભારતીય શેરબજારમાં ઘટાડો જોવા મળ્યો હતો. સોમવારે સેન્સેક્સ 93.91 પોઈન્ટ્સ અથવા 0.17% ઘટીને 55,675.32 પર બંધ થયો હતો, જ્યારે નિફ્ટી 18.55 પોઈન્ટ્સ અથવા 0.11% ઘટીને 16,565.75 પર બંધ થયો હતો. આજે ભારતીય શેરબજારમાં પ્રી-ઓપનિંગમાં પણ માર્કેટમાં ઘટાડો જોવા મળ્યો હતો અને પ્રી-ઓપનિંગ સેશનમાં સેન્સેક્સ 300 પોઈન્ટ અને નિફ્ટી 16,500 પોઈન્ટ નીચે આવી ગયા હતા.
