સેન્સેક્સની ટોચની 10 કંપનીઓમાંથી 9 કંપનીઓના માર્કેટ કેપમાં ગયા સપ્તાહે રૂ. 2.98 લાખ કરોડનો વધારો થયો છે. મુકેશ અંબાણીની રિલાયન્સ ઇન્ડસ્ટ્રીઝ અને ટાટા ગ્રૂપની ટાટા કન્સલ્ટન્સી સર્વિસિસ (TCS)ને સૌથી વધુ ફાયદો થયો હતો. ગયા અઠવાડિયે, BSE 30 શેરનો સેન્સેક્સ 2,311.45 પોઈન્ટ અથવા 4.29 ટકા ઉપર હતો. ટોચની 10 કંપનીઓની યાદીમાં માત્ર લાઈફ ઈન્સ્યોરન્સ કોર્પોરેશન (LIC)ની માર્કેટ મૂડીમાં જ ઘટાડો થયો છે. એકંદરે, ટોચની 10 કંપનીઓમાંથી નવની માર્કેટ મૂડીમાં રૂ. 2,98,523.01 કરોડનો વધારો થયો છે.
રિપોર્ટિંગ સપ્તાહમાં રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 68,564.65 કરોડ વધીને રૂ. 16,93,245.73 કરોડ થયું હતું. TCSનું માર્કેટ વેલ્યુએશન રૂ. 64,929.87 કરોડ વધીને રૂ. 11,60,285.19 કરોડ થયું છે. ICICI બેન્કની બજાર સ્થિતિ રૂ. 34,028.7 કરોડ વધીને રૂ. 5,56,526.81 કરોડ થઈ છે. ઈન્ફોસિસનું માર્કેટ વેલ્યુએશન રૂ. 31,893.77 કરોડ વધીને રૂ. 6,33,793.91 કરોડ થયું હતું. સ્ટેટ બેંક ઓફ ઈન્ડિયા (SBI)ની બજાર સ્થિતિ રૂ. 30,968.4 કરોડ વધીને રૂ. 4,58,457.30 કરોડ થઈ છે.
બજાજ ફાઇનાન્સનું મૂલ્યાંકન રૂ. 20,636.69 કરોડ વધીને રૂ. 3,78,774.69 કરોડ અને હિન્દુસ્તાન યુનિલિવરનું મૂલ્ય રૂ. 16,811.32 કરોડ વધીને રૂ. 6,20,362.58 કરોડ થયું હતું. HDFC બેન્કની માર્કેટ મૂડી રૂ. 16,110.37 કરોડ વધીને રૂ. 7,73,770.09 કરોડ અને HDFCની માર્કેટ મૂડી રૂ. 14,579.24 કરોડ વધીને રૂ. 4,16,701.23 કરોડ થઈ હતી.
બીજી તરફ, LICનું માર્કેટ કેપિટલાઇઝેશન રૂ. 12,396.99 કરોડ ઘટીને રૂ. 4,35,760.72 કરોડ થયું હતું. ટોચની 10 કંપનીઓની યાદીમાં રિલાયન્સ ઇન્ડસ્ટ્રીઝે પ્રથમ સ્થાન જાળવી રાખ્યું છે. તે પછી અનુક્રમે TCS, HDFC બેંક, ઇન્ફોસિસ, હિન્દુસ્તાન યુનિલિવર, ICICI બેંક, SBI, LIC, HDFC અને બજાજ ફાઇનાન્સ આવે છે.
