નવી દિલ્હી: એશિયાના સૌથી ધનિક વ્યક્તિ મુકેશ અંબાણીને એક મોટું નુકસાન થયું છે. રિલાયન્સ ઇન્ડસ્ટ્રીઝ લિમિટેડના ઘટતા શેરને કારણે મુકેશ અંબાણીને લગભગ 7 અબજ ડોલરનું નુકસાન થયું છે. સોમવારે બોમ્બે સ્ટોક એક્સચેંજમાં રિલાયન્સ ઇન્ડસ્ટ્રીઝનો શેર લગભગ 8.6% ની નીચે ગયો હતો. સપ્તાહ દરમિયાન કંપનીની માર્કેટ કેપમાં 1 લાખ કરોડનો ઘટાડો થયો છે.
રિલાયન્સના શેરનું આ અત્યાર સુધીનું ખરાબ પ્રદર્શન હતું. બ્લૂમબર્ગ બિલિયોનેર ઈન્ડેક્સ અનુસાર, આ ઘટાડાને કારણે મુકેશ અંબાણીની કુલ સંપત્તિ $ 71 બિલિયન થઈ ગઈ છે.
આ સાથે મુકેશ અંબાણી ફોર્બ્સ રીઅલ ટાઇમ બિલિયોનેરમાં 6 માં સ્થાનેથી 9 માં સ્થાને આવી ગયા. મુકેશ અંબાણી હવે ગુગલના સ્થાપક, લેરી પેજથી પાછળ છે. આ વર્ષે જુલાઈમાં, મુકેશ અંબાણી વિશ્વભરના ધનિકની યાદીમાં પાંચમા ક્રમે પહોંચ્યા હતા.
ઉલ્લેખનીય છે કે, આ વર્ષે જુલાઈમાં પણ રિલાયન્સના શેરમાં 6.2 ટકાનો ઘટાડો થયો હતો. તમે કંપનીના પર્ફોર્મન્સની સ્થિતિને પણ સમજી શકો છો, સોમવારે સવારે રિલાયન્સ ઇન્ડસ્ટ્રીઝનો શેર તૂટીને 1940 રૂપિયા પર પહોંચી ગયો હતો. છેલ્લા 4 મહિનામાં આ સૌથી નીચો સ્તર છે.