૧૪ ડિસેમ્બરે અનેક દિગ્ગજો પોતાની કિસ્મત અજમાવશે

ગુજરાત વિધાનસભામાં બીજા તબક્કાની ચૂંટણીના પ્રચાર પડઘમ આજે શમી જશે. ગુજરાત વિધાનસભામાં ૧૪ ડિસેમ્બરે બીજા તબક્કામાં રાજ્યના ૧૪ જિલ્લાની ૯૩ બેઠક માટે મતદાન યોજાશે. બીજા તબક્કાની ૯૩ બેઠકો માટે કુલ ૮૫૧ ઉમેદવાર મેદાનમાં છે. જેમાં અનેક દિગ્ગજોના ભાવિનો પણ ફેંસલો થવાનો છે.
અાવી જ કેટલીક મહત્વપૂર્ણ બેઠક જોઈએ જેના પર છે સૌની. મહેસાણા અહીંથી નાયબ મુખ્યમંત્રી નીતિન પટેલ ચૂંટણી મેદાનમાં ઉતર્યા છે તો સામે કોંગ્રેસમાંથી જીવા પટેલ ચૂંટણી લડી રહ્યા છે. અમદાવાદની વટવા બેઠક પરથી ગૃહમંત્રી પ્રદિપસિંહ જાડેજા, બનાસકાંઠાની વાવ બેઠક પરથી આરોગ્યમંત્રી શંકરભાઈ ચૌધરી, રાધનપુર બેઠક પરથી અલ્પેશ ઠાકોર, વડગામ બેઠક પરથી જિગ્નેશ મેવાણી, સિદ્ધપુર બેઠક પરથી પૂર્વ મંત્રી જયનારાયણ વ્યાસ, કોંગ્રેસ નેતા સિદ્ધાર્થ પટેલ સહિતના દિગ્ગજો મેદાનમાં છે.
બીજા તબક્કામાં જે જિલ્લામાં ચૂંટણી યોજાવાની છે તેમાં અમદાવાદ, બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, આણંદ, ખેડા, મહિસાગર, પંચમહાલ, દાહોદ અને છોટાઉદેપુરનો સમાવેશ થાય છે.
આ સિવાય ચૂંટણીમાં ૩૫૦ અપક્ષ ઉમેદવાર પણ ચૂંટણી જંગમાં ઝંપલાવી રહ્યા છે. મહેસાણા બેઠક પર સૌથી વધુ ૩૪ ઉમેદવાર ચૂંટણી જંગ લડી રહ્યા છે. જ્યારે રાધનપુરથી ૧૭ ઉમેદવાર મેદાનમાં છે, વટવાથી ૧૬ ઉમેદવાર અને સિદ્ધપુરથી ૧૩ ઉમેદવાર ચૂંટણી લડી રહ્યા છે, જેઓ ભાજપ-કોંગ્રેસના ઉમેદવાર માટે મુશ્કેલી સર્જશે.
અામ અાવનારી ચૂંટણી ખુબજ રસાકસી અને મહત્વપૂર્ણ રહેશે તેમા શંકાને કોઈ સ્થાન નથી.