પીવી સિંધુ કોરિયા ઓપન જીતનારી પ્રથમ ભારતીય

ભારતની બેડમિન્ટર સ્ટાર વર્લ્ડ નંબર-4 પી.વી.સિંધુએ કોરિયા ઓપન સુપર સીરીઝ પર કબ્જો જમાવ્યો છે. ઓલોમ્પિકની સિલ્વર મેડલિસ્ટ સિંધુએ રવિવારે ફાઈનલમાં વર્લ્ડ નંબર-9 જાપાનની નોઝોમી ઓકુહારાને એક કલાક 24 મિનિટ સુધી ચાલેલા મુકાબાલમાં 22-20, 21-11, 21-18થી મ્હાત આપી. આ સાથેજ 22 વર્ષની સિંધુએ ઈતિહાસ રચી દીધો છે. આ જાપાની શટલરે ઓગસ્ટમાં વર્લ્ડ ચેમ્પિયનશીપના ફાઈલનમાં સિંધુને હરાવી હતી.
પીવુ સિંધુની ઐતિહાસિક જીત બદલ વડાપ્રધાન નરેન્દ્ર મોદીએ ટ્વિટ કરીને અભિનંદન આપ્યા હતા. આ ઉપરાંત પ્રકાશ જાવડેકરે પણ તેની સિદ્ધીને બિરદાવી હતી. સિંધુ કોરિયા ઓપન પર કબ્જો જમાવનારી પહેલી ભારતીય મહિલા ખેલાડી બની છે. 1991માં શરૂ થયેલી આ ટૂર્નામેન્ટના 26 વર્ષના ઈતિહાસમાં સિંધુ પહેલાં કોઈ ભારતીય શટલરે આ ટ્રોફી પોતાને નામે કરી નથી.સિંધુએ 7મી સુપર સીરીઝ મુકાબલાના ફાઇનલમાં ઓકુહારાને જોરદાર ટક્કર આપી હતી અને પ્રથમ ગેમ 22-20 સાથે જીતી હતી.જયારે બીજી ગેમમાં ઓકુહારા હાવી રહી અને તેને સિંધુને 11-21થી હરાવી. પરંતુ નિર્ણાયક ગેમમાં સિંધુનો સંકલ્પ કામ આવ્યો અને તેને જાપાની ખેલાડીને પરાસ્ત કરી ચેમ્પિયનશીપ પોતાને નામે કરી છે.
સિંધુએ 2017માં ત્રીજો ખિતાબ પોતાને નામે કર્યો છે. તેમને આ વર્ષે સૈદય મોદી ઇન્ટરનેશનલ અને ઈન્ડિયા ઓપન સુપર સીરીઝનું ટાઈટલ હાંસલ કર્યુ હતું. સિંધુએ કોરિયા ઓપનમાં જીત હાંસલ કરતાંની સાથે જ તેની કેરિયરનો ત્રીજો સુપર સીરીઝ ખિતાબ પોતાના નામે કર્યો છે. 22 વર્ષની હૈદરાબાદી ગર્લ સિંધુએ ન માત્ર ઈતિહાસ રચ્યો પરંતુ પોતાની જ ઉંમરની ઓકુહારાને હરાવીને બદલો પણ લીધો છે. જાપાની શટલરે ગત માસે વિશ્વ ચેમ્પિયનશીપના ફાઈનલમાં સિંધુને હરાવી હતી. સિંધુની જીતની સાથે જ ઓકુહારા સામે કુલ 8 મેચમાં 4-4ની બરાબરી થઈ છે.