SpiceJet ની એનિવર્સરી ઓફરને ટક્કર આપવા Indigo ની 11રૂ.માં મુસાફરીની ઓફર.

સ્પાઈસ જેટ એરલાઈન્સની એનિવર્સરી ઓફરને ટક્કર આપવા માટે ઈન્ડીગો એરલાઈન્સે એક ડિસ્કાઉન્ટ ઓફર લઈને આવ્યું છે. આ ઓફર મુજબ નિર્ધારિક કરેલા ચોક્કસ સમય દરમિયાન અમુક નિશ્ચિત કરેલા માર્ગો પર માત્ર 11રૂ.ના બેસિક ભાડાથી મુસાફરી કરી શકાશે. કેટલાક હોલિ-ડે ડેસ્ટીનેસન અને નક્કી કરેલા રૂટ પર બેસિક ભાડા સાથે તમામ સમાવેશક ભાડું 899થી શરૂ થશે તેવી જાહેરાત પણ કરી છે. આ ઓફરનો લાભ 23 મેથી 28 મે સુધી બુકિંગ કરાવીને મેળવી શકાશે, અને 26 જૂન 2017થી 24 માર્ચ 2018 સુધી મુસાફરી કરી શકશે. આ માટે ઓછામાં ઓછું ભાડું 11 રૂ. હશે.

શું હશે ઓફર મેળવવા માટેની શરતો

• આ ઓફર કેટલાક સેલેક્ટેડ રૂટ અને ફ્લાઈટ પર માન્ય હશે.

• આ ઓફર માત્ર નોન-સ્ટોપ ફ્લાઈટ્સ પર લાગૂ પડશે.

• આ ઓફરનો લાભ ગ્રૂપ બુકિંગ પર નહીં મળે.

• મુસાફરોને આ ઓફરમાં ટિકીટનું રિફંડ નહીં મળે, જો ટિકીટ કેન્સલ કરવામાં આવશે તો માત્ર અધિકૃત ટેક્સ રિફંડ કરવામાં આવશે.

• જો તમે પ્રવાસીય માર્ગને બદલવા માંગતા હોય તો નિયમ મુજબની જરૂરી ફી અને ભાડામાં ફેરફારની રકમ ચૂકવીને તમે બદલાવી શકો છો.

ઉલ્લેખનીય છે કે આ પહેલા સ્પાઈસજેટ એરલાઈન્સે માત્ર 12રૂ.ની શરૂઆતી ઓફર આપી હતી.ઈન્ડિગો એરલાઈન્સ દેશની સૌથી મોટી પેસેન્જર એરલાઈન્સ કંપનીઓમાંની એક છે. ફેબ્રુઆરી 2017 પ્રમાણે માર્કેટમાં તેનો 39.5 ટક્કા હિસ્સો ધરાવે છે. મૂળ ગૂંડગાવની એરલાઈન કંપની હાલમાં 46 સ્થળો સાથે કનેક્ટેડ ફ્લાઈટ પૂરી પાડે છે. જેમાંથી 39 ડોમેસ્ટિક અને 7 ઈન્ટરનેશનલ ફ્લાઈટ્સ છે.