ચૂંટણીકાર્ડ નહી હોય અને યાદીમાં નામ હશે તો મતદાન કરી શકાશે

ગુજરાત વિધાનસભાની ચૂંટણીમાં અમદાવાદ જિલ્લાની 21 વિધાનસભા મતદાર વિભાગોનું 14મી ડિસેમ્બરે મતદાન યોજાશે.મતદારોને પોતાના મતદાન મથકની તથા મતદાર કાપલી બુથલેવલ અોફિસરો દ્વારા મતદારો સુધી અાપવામાં અાવી રહી છે.
મતદાર કાપલી વહેંચાયેલી નહી હોય તેને ચૂંટણી અધિકારી પોતાની પાસે રાખશે. અા ઉપરાંત મતદારે મતદાન મથક પર ચૂંટણીકાર્ડ રજૂ કરવું પડશે. ચૂંટણીકાર્ડ નહોય તેવો કિસ્સામાં અન્ય 12 પુરાવાઓ માન્ય રાખવામાં અાવશે.
અા 12 પુરાવાઓ માન્ય રાખવામાં અાવશે. 1, પાસપોર્ટ, 2, ડ્રાઈવિંગ લાઈસન્સ, 3, રાજ્ય સરકાર કેન્દ્ર સરકારના જાહેર સાહસો તરફથી અાપવામાં અાવતા ફોટા સાથેના અોળખકાર્ડ 4, બેન્કો અને પોસ્ટ અોફિસો તરફથી અાપવામાં અાવેલી ફોટો સાથેની પાસબુક 5, પાનકાર્ડ 6, શ્રમ મંત્રાલય તરફથી અાપવામાં અાવેલ હેલ્થ ઈન્સ્યોરન્સ કાર્ડ 7, ફોટો સાથેના પેન્શન દસ્તાવેજ 8, વોટર સ્લિપ 9, સંસદ સભ્યોઅે અાપેલ અધિકૃત અોળખપત્ર 10, વિધાન સભ્યોએ અાપેલ અધિકૃત અોળખપત્ર, 11, અાધારકાર્ડ, 12 મનરેગા જોબ કાર્ડ