રાહુલ ગાંધીએ કોંગ્રેસ અધ્યક્ષની કમાન સંભાળી, પાર્ટી કાર્યાલયમાં જશ્નનો માહોલ

ગુજરાત વિધાનસભા ચૂંટણી માટે બીજા તબક્કાના મતદાન પહેલાં જ કોંગ્રેસના કાર્યકર્તાઓ માટે ખુશખબરીના સમાચાર છે. કોંગ્રેસના ઉપાધ્યક્ષ રાહુલ ગાંધીએ પક્ષના પ્રમુખ અધ્યક્ષની કમાન સંભાળી. બપોરે ત્રણ વાગ્યે નામાંકન પાછું લેવાનો સમય સમાપ્ત થયો કોંગ્રેસના નેતા એમ રામચંદ્રને બપોરે તેની ઔપચારિક રીતે જાહેરાત કરી. આજે નામાંકન પાછું લેવાનો છેલ્લો દિવસ છે, રાહુલના સમર્થકોમાં ખુશીનો માહોલ જોવા મળે છે.
રાહુલ ગાંધીની તાજપોશીથી કાર્યકર્તાઓએ ફટાકડા ફોડી ખુશી વ્યક્ત કરી હતી. તો ક્યાંક ઢોલ-નગારા વગાડવામાં અાવ્યા, રાહુલ ગાંધીના સમર્થનમાં જોરદાર નારેબાજી કરવામાં અાવી.
બપોરે કોંગ્રેસના સેન્ટ્રલ ઈલેક્શન એસોસિયેશનના અધ્યક્ષ એમ રામચંદ્રન, સભ્ય મધમુસુદન મિસ્ત્રી અને ભુવનેશ્વર કાલિતાએ પ્રેસ કોન્ફરન્સ કરીને વિધિવત રીતે પાર્ટીના અધ્યક્ષ તરીકે પસંદ કરી દીધા હતા. નામાંકન દરમિયાન રાહુલ દ્વારા દાખલ કરવામાં આવેલ 89 સેટ મળ્યા હતા.રાહુલ ગાંધીએ 4 ડિસેમ્બરે અધ્યક્ષપદ માટે નામાંકન કર્યું હતું. રાહુલ ગાંધી દ્વારા 17 ડિસેમ્બરે તમામ કોંગ્રેસ નેતાઓ અને કોંગ્રેસના સાંસદો માટે ડિનરનું આયોજન કરવામાં આવશે. સ્પષ્ટ છે કે અધ્યક્ષપદ સંભાળે તે પહેલાંરાહુલ ગાંધી તમામ નેતાઓ સાથે ખુલ્લી ચર્ચા કરવા માંગે છે.
આ પહેલા સમાચાર હતા કે રાહુલ ગાંધી 14 ડિસેમ્બરે સત્તાવાર રીતે કોંગ્રેસ અધ્યક્ષપદ સંભાળશે.14 તારીખે મતદાન હોવાથી કેટલાક નેતાઓએ અા દિવસે તાજપોશીનો વિરોધ કર્યા હતો. 16 તારીખથી કમુર્તા બેસી જાય છે અાથી હિન્દુ માન્યતા પ્રમાણે શુભ કાર્યો નથી થતા.
તમને જણાવી દઈએ કે લગભગ બે દશક બાદ અેટલે કે 19 વર્ષ પછી કોંગ્રેસ પક્ષના અધ્યક્ષ બદલાશે.હાલના અધ્યક્ષ સોનિયા ગાંધી 1998થી પાર્ટીની કમાન સંભાળી રહ્યા છે.