રાહુલ ગાંધી આવતીકાલે ગુજરાતની મુલાકાતે

રાહુલ ગાંધી આવતીકાલે ગુજરાતની મુલાકાતે, ચુંટાયેલા ધારાસભ્યો અને કાર્યકરોને મળશે.ગુજરાતમાં કોંગ્રેસ ભલે બહુમત મેળવવામાં નિષ્ફળ રહી છે, પરંતુ રાજયમાં કોંગ્રેસનો જનાધાર વધ્યો છે. પક્ષના વધતા જનાધારથી ઉત્સાહિત કોંગ્રેસ પ્રમુખ રાહુલ ગાંધી ૨૩ ડિસેમ્બરના રોજ ફરી એક વાર ગુજરાતના પ્રવાસે આવશે. કોંગ્રેસ પ્રમુખ રાહુલ ગાંધી અમદાવાદમાં યુનીવર્સીટી કન્વેનશન હોલ ખાતે ચુંટાયેલા પ્રતિનિધિઓ અને કાર્યકરોને મળશે અને તેમને સંબોધિત પણ કરશે.
રાહુલ ગાંધી ૨૩ ડિસેમ્બરના રોજ સવારે અમદાવાદ પહોંચશે. સવારે ૧૧.૩૦ કલાકે ઉત્તર ઝોનના નેતાઓ સાથે બેઠક કરશે. ૧૨.૩૦ કલાકે મધ્ય ગુજરાતના નેતાઓ સાથે બેઠક કરશે અને કાર્યકર્તાને સંબોધિત કરશે. જયારે બપોરે ૨ કલાકે સૌરાષ્ટ્રના નેતાઓ સાથે બેઠક કરશે, તેમજ બપોરે ૩ કલાકે દક્ષિણ ગુજરાતના નેતાઓ સાથે ચર્ચા વિચારણા કરશે. તેમજ ૪ કલાકે કાર્યકર્તાઓને સંબોધિત કરશે.