પ્રખ્યાત કોમેડિયન રાજુ શ્રીવાસ્તવનું દિલ્હીની AIIMS હોસ્પિટલમાં નિધન થયું છે. તેમના પરિવારે આ સમાચારની પુષ્ટિ કરી છે. તમને જણાવી દઈએ કે 10 ઓગસ્ટના રોજ જીમમાં કસરત કરતી વખતે તેમની તબિયત લથડી હતી. આ પછી તેમને દિલ્હીની AIIMSમાં દાખલ કરવામાં આવ્યા હતા. ત્યાં તેની સારવાર ચાલી રહી હતી.તેમની તબિયતમાં સુધારો ન થતાં તેમને લાઇફ સપોર્ટ સિસ્ટમ પર મૂકવામાં આવ્યા હતા. દરમિયાન, તેના પરિવાર અને સહકાર્યકરો તરફથી સતત અપડેટ્સ મળી રહ્યા હતા. સારવાર દરમિયાન તેમની તબિયતમાં સુધારાના સમાચાર પણ આવ્યા હતા, પરંતુ હવે તેમના મૃત્યુના દુઃખદ સમાચારે બધાને મોટો આંચકો આપ્યો છે.
દેશના જાણીતા કોમેડિયન રાજુ શ્રીવાસ્તવનું બુધવારે સવારે દિલ્હીની એઈમ્સમાં નિધન થયું છે. તેઓ છેલ્લા 40 દિવસથી હોસ્પિટલમાં દાખલ હતા. દિલ્હીની ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સમાં દાખલ રાજુ શ્રીવાસ્તવ 10 ઓગસ્ટના રોજ હાર્ટ એટેક આવ્યા બાદ સતત 33મા દિવસથી બેભાન હતા.
મગજ કામ કરતું ન હતું
રાજુ શ્રીવાસ્તવની એઈમ્સમાં જાણીતા ડોક્ટર નીતીશ નાઈકના નેતૃત્વમાં સારવાર થઈ રહી હતી. મળતી માહિતી મુજબ, મગજ સિવાય રાજુ શ્રીવાસ્તવના તમામ અંગો યોગ્ય રીતે કામ કરી રહ્યા હતા.
