3 દિવસમાં શાહ મળ્યા હતા 2 મુખ્યમંત્રી અને 1 નાયબ મુખ્યમંત્રીને, શું નક્કી થઈ રહ્યો છે 2019નો એજન્ડા?

ગુજરાત વિધાનસભા ચૂંટણીના પરિણામોથી સબક લેતાં, ભાજપ અત્યારથી જ મિશન 2019ની તૈયારીમાં લાગ્યો છે. થોડા દિવસો પહેલા ભાજપ અધ્યક્ષ અમિત શાહ અને નરેન્દ્ર મોદીએ દેશભરના રાજ્યોના પાર્ટીના પ્રભારિઓ સાથે બેઠક કરી હતી. હવે ભાજપ અાલાકમાન જુદા જુદા રાજ્યોના મુખ્ય મંત્રીઓને મળી રહ્યા છે. છેલ્લા ત્રણ દિવસોમાં બે રાજ્યોના મુખ્યમંત્રી અને એક નાયબ મુખ્યમંત્રી સાથે અમિત શાહે મુલાકાત કરી હતી.હરિયાણાના મુખ્યમંત્રી મનોહર લાલ ખટ્ટરે બુધવારે ભાજપ અધ્યક્ષ અમિત શાહ સાથે મુલાકાત કરી હતી.છેલ્લા કેટલાક દિવસોથી હરિયાણાની કાયદા વ્યવસ્થા કથળી છે. વિપક્ષ અા મામલે ખટ્ટર સરકારને ઘેરવાની પેરવીમાં છે.આગામી મહિને ભાજપ અધ્યક્ષ અમિત શાહ પોતે હરિયાણા જવાના છે તે જોઈને ખટ્ટર સાથે શાહની મુલાકાત કેટલી મહત્વની છે તે જોઈ શકાય છે.
હરિયાણામાં કુલ 10 સંસદીય બેઠકો છે. 2014 લોકસભા ચૂંટણીમાં આમાંથી ભાજપે 7 બેઠકો પર વિજય મેળવ્યો હતો.પાર્ટીના અાલાકમાને બધાને ચોંકાવી થઈને મનોહર લાલ ખટ્ટરને રાજ્યના મુખ્યમંત્રી બનાવી દીધા હતા.ભાજપ આ વખતે હરિયાણામાં છેલ્લી ચૂંટણીથી પણ વધુ સારા પરિણામોનો લક્ષ્યાંક લઈ ચાલી રહ્યો છે.
રામ રહીમ પ્રકરણ અને પછીથી ભડકેલી હિંસા, જાટ અનામત આંદોલન, સતત રૅપ કેસ, બીફ વિવાદ, રેયોન સ્કૂલ જેવી કેટલીક બાબતોથી મનોહર લાલ ખટ્ટરની છબી પર પ્રશ્ન ઉઠ્યો છે.
ભાજપ અધ્યક્ષ અમિત શાહ ઝારખંડના મુખ્યમંત્રી. રઘુવર દાસ સાથે પણ મુલાકાત કરી હતી.ભાજપ અધ્યક્ષ સાથે મુલાકાત કરવા માટે ઉત્તર પ્રદેશના નાયબ મુખ્યમંત્રી દનિશે શર્માનું નામ પણ છે.નાયબ મુખ્યમંત્રી પહેલાં તે ગુજરાતના પ્રભારી તરીકે જવાબદારી નિભાવતા હતા.
જણાવી દઈએ કે ભાજપ 2014 લોકસભા ચૂંટણીમાં 543 બેઠકોમાંથી 282 બેઠકો જીતી દેશની સત્તા પર અારૂઢ થયા હતા.હિન્દી ભાષી રાજ્યોમાં મોદીની લહેર સ્પષ્ટ દેખાતી હતી. ઉત્તર પ્રદેશ, બિહાર, રાજસ્થાન, મધ્ય પ્રદેશ, છત્તીસગઢ, હરીયાણા, દિલ્હી, ઝારખંડ, હિમાચલ પ્રદેશ અને ઉત્તરાખંડની કુલ 225 બેઠકોમાંથી 190 પર ભાજપે કબ્જો મેળવ્યો હતો.આ રાજ્યોમાં માત્ર કોગ્રેસ નહીં સપા, બસપા, જેડીયુ અને રજદ જેવી પાર્ટીઓએ કારમી હાર મેળવી હતી.ઉપરાંત મોદી લહેર ગુજરાત સિવાય મહારાષ્ટ્ર, કર્ણાટક અને આસામ જેવા મહત્વના રાજ્યોમાં પણ ભારે જીત મેળવી હતી.