વૈશ્વિક બજારના સંકેતો વચ્ચે આજે સપ્તાહના ચોથા કારોબારી દિવસે શેરબજારમાં ફરી ઘટાડો જોવા મળ્યો હતો. સેન્સેક્સ અને નિફ્ટી બંને આજે લાલ નિશાનમાં બંધ થયા છે. દિવસભરના ઉતાર-ચઢાવ બાદ શેરબજાર ફરી લપસ્યું.
આજે ટ્રેડિંગના અંતે મુંબઈ સ્ટોક એક્સચેન્જનો સેન્સેક્સ 8.03 પોઈન્ટ્સ અથવા 0.015%ના ઘટાડા સાથે 53,018.94 પોઈન્ટ્સ પર બંધ થયો હતો, જ્યારે નિફ્ટી 64.90 પોઈન્ટ્સ અથવા 0.41% ઘટીને 15,734.20 પોઈન્ટ પર બંધ થયો હતો.
સવારે બજારની સ્થિતિ કેવી હતી?
આજે સવારે ટ્રેડિંગ સેશનની શરૂઆતમાં સેન્સેક્સ અને નિફ્ટી લાલ નિશાન સાથે ખુલ્યા હતા. ટ્રેડિંગ સેશનની શરૂઆતમાં 30 પોઈન્ટનો સેન્સેક્સ 52,897.16 પર ખુલ્યો હતો. બીજી તરફ 50 પોઈન્ટનો નિફ્ટી 15,774.50 પોઈન્ટ પર ખુલ્યો હતો. પ્રી-ઓપન સેશન દરમિયાન સેન્સેક્સના 30માંથી 12 શેરો લાલ નિશાન સાથે ટ્રેડ થતા જોવા મળ્યા હતા. જોકે થોડા સમય બાદ શેરબજારમાં લીલોતરી જોવા મળી હતી. શરૂઆતના વેપારમાં જ સેન્સેક્સ 200 પોઈન્ટથી વધુ વધીને 53,278.19 પર પહોંચ્યો હતો. બીજી તરફ નિફ્ટી 68 પોઈન્ટ વધીને 15,867.25 પર પહોંચ્યો હતો.
LIC શેર સ્થિતિ
LICના શેરમાં આજે 30 જૂને ફરી ઘટાડો જોવા મળ્યો છે. આજે LICના શેરમાં 4.25 એટલે કે 0.63%નો ઘટાડો થયો છે અને તે રૂ. 674.25 પર પહોંચી ગયો છે.
