Maruti Suzuki Ertiga ભારતીય બજારમાં 15 એપ્રિલે લોન્ચ થશે. કંપનીએ આગામી હાઇબ્રિડ ટેક્નોલોજીથી સજ્જ કાર માટે બુકિંગ લેવાનું શરૂ કરી દીધું છે. રસ ધરાવતા ગ્રાહકો ભારતભરના કોઈપણ મારુતિ સુઝુકી એરેના શોરૂમમાંથી નેક્સ્ટ જનરેશનની Ertiga બુક કરાવી શકે છે.
મારુતિ સુઝુકી આવતીકાલે એટલે કે 15મી એપ્રિલે ભારતીય બજારમાં નવી Ertiga ફેસલિફ્ટ રજૂ કરવા માટે તૈયાર છે. જો કે, આ અપકમિંગ કારનું બુકિંગ શરૂ થઈ ગયું છે. નવી મારુતિ અર્ટિગાની પ્રી-બુકિંગ માટે, રસ ધરાવતા ગ્રાહકે 11,000 રૂપિયાની ટોકન રકમ ચૂકવવી પડશે. નવું મોડલ કોસ્મેટિક ડિઝાઇન ફેરફારો અને નવા એન્જિન-ગિયરબોક્સ સંયોજન સાથે અપડેટેડ ઇન્ટિરિયર્સ સાથે આવશે.
2022 મારુતિ અર્ટિગા ફીચર્સ
મારુતિ સુઝુકી અર્ટિગાના આગામી વર્ઝનની વિશેષતાઓ વિશે વાત કરીએ તો, તેમાં નવી ગ્રિલ, સુઝુકી કનેક્ટ ટેલીમેટિક્સ અને સાત ઇંચની સ્માર્ટપ્લે પ્રો ટચસ્ક્રીન ઇન્ફોટેનમેન્ટ સિસ્ટમ મળશે. CNG વેરિઅન્ટ, જે હાલમાં માત્ર VXi વેરિઅન્ટમાં ઓફર કરવામાં આવે છે, તે ZXi વેરિઅન્ટને ટૂંક સમયમાં લૉન્ચ કરવા માટે અપડેટ થઈ શકે છે.
તમને માહિતી માટે જણાવી દઈએ કે, આગામી અર્ટિગા 2022 મોડલ નાના કોસ્મેટિક અપડેટ્સ અને કેટલાક એડવાન્સ ફીચર્સથી સજ્જ હશે. આ સિવાય નવી પેઢીની આ કારમાં નવું એન્જિન અને ટ્રાન્સમિશન મળશે. Maruti Ertiga 2022ને CNG વેરિઅન્ટમાં પણ અપડેટ મળશે.
2022 મારુતિ અર્ટિગા એન્જિન
નવી મારુતિ સુઝુકી અર્ટિગાના એન્જિન વિશે વાત કરીએ તો, તે 1.5-લિટર, ડ્યુઅલજેટ ડ્યુઅલ VVT એન્જિન દ્વારા સંચાલિત હશે, જે સ્માર્ટ હાઇબ્રિડ ટેક્નોલોજીથી સજ્જ હશે. આ મોટરને માત્ર પાંચ-સ્પીડ મેન્યુઅલ ટ્રાન્સમિશન સાથે જ નહીં, પરંતુ પેડલ શિફ્ટર સાથેનું નવું છ-સ્પીડ ટોર્ક કન્વર્ટર ઓટોમેટિક ટ્રાન્સમિશન આપવામાં આવશે, જે વાહનને વધુ આધુનિક બનાવે છે.
મારુતિ ટૂંક સમયમાં આ 6 કાર લોન્ચ કરશે
મારુતિ સુઝુકી 2022ના મધ્ય સુધીમાં 6 નવા મોડલ લોન્ચ કરવાની યોજના બનાવી રહી છે. તેમાં બલેનો સીએનજી વેરિઅન્ટ્સ, અપડેટેડ વિટારા બ્રેઝા સીએનજી અને ડ્યુઅલજેટથી સજ્જ ઇગ્નિસ અને એસ-પ્રેસો કારનો સમાવેશ થાય છે. મારુતિ ત્યારપછી તમામ નવી ક્રેટા-હરીફ મિડસાઇઝ એસયુવી લોન્ચ કરશે, જે ટોયોટા સાથે મળીને વિકસાવવામાં આવી રહી છે.
