નવા મંત્રીમંડળમાં જાતિગત સમીકરણનું પ્રભુત્વ રહેશે

મુખ્યમંત્રી પદે વિજય રૂપાણી ફરી સતારૂઢ થયા બાદ હવે તેમની નવી સરકારના મંત્રી મંડળ માટે કવાયયત શરૂ કરી છે.મુખ્યમંત્રી અને નાયબ મુખ્યમંત્રી બંને મળીને પાર્ટીના શિર્ષસ્થ નેતૃત્વના માર્ગદર્શન હેઠળ મંત્રી મંડળની રચના કરશે.મંત્રી મંડળની અાખરી યાદીતો શપથવિધિની પૂર્વરાત્રિએ જ નક્કી કરશે પરંતુ પ્રાપ્ત જાણકારી મુજબ રૂપાણી સરકારના નવા મંત્રીમંડળમાં જાતિગત સમીકરણનું ભારે પ્રભુત્વ રહેશે.રૂપાણી સરકારમાં પૂર્વ કેબિનેટ મંત્રીઓ યથાવત રહેવાની સાથે હારેલાં મંત્રીઓના સ્થાને નવા ચહેરાનો સમાવેશ થશે.કેટલાક રાજ્યકક્ષાના મંત્રીઓ પ્રમોટ થઈને કેબિનેટમાં સ્થાન મળે તેવી શક્યતા છે.