યુ.એસ.માં એક કોલેજના પ્રોફેસરને મહિલા વિદ્યાર્થીઓને તેમના શર્ટ ઉતારવા માટે કહેવા બદલ બરતરફ કરવામાં આવ્યા છે. શિક્ષણ વિભાગની નાગરિક અધિકાર કચેરી દ્વારા તપાસ બાદ આ કાર્યવાહી કરવામાં આવી છે. આ કેસની તપાસ ત્રણ મહિના સુધી ચાલી હતી. આ દરમિયાન જાણવા મળ્યું કે પ્રોફેસરે ક્લાસમાં લગભગ 11 વિદ્યાર્થિનીઓને શર્ટ કાઢીને સ્પોર્ટ્સ બ્રા પહેરવાનું કહ્યું, જેના કારણે ત્યાં ખૂબ જ ખરાબ વાતાવરણ સર્જાયું. આટલું જ નહીં તેણે યુવતીઓના બ્રેસ્ટ વિશે પણ ખોટી કોમેન્ટ્સ કરી હતી. આ દરમિયાન પ્રોફેસર વિદ્યાર્થિનીઓને કહેતા રહ્યા કે આ મેડિકલ એસેસમેન્ટ સંબંધિત કસરત છે.
અહેવાલો અનુસાર, જ્યારે કેટલીક વિદ્યાર્થિનીઓ શિષ્ટાચારથી લેબ જેકેટ પહેરે છે, ત્યારે પ્રોફેસરે તેમને આમ કરવાથી રોકી હતી. આ ઘટના ટાકોમા/સિલ્વર સ્પ્રિંગ કેમ્પસમાં બની હતી. આ અંગે ઓક્ટોબર, 2019માં ફરિયાદ દાખલ કરવામાં આવી હતી. પ્રાથમિક તપાસ બાદ આરોપી પ્રોફેસરને તાત્કાલિક રજા પર મોકલી દેવામાં આવ્યો હતો અને બાદમાં તેને નોકરીમાંથી કાઢી મૂકવામાં આવ્યો હતો. મોન્ટગોમરી કોલેજના પ્રવક્તાએ OCRની સંપૂર્ણ તપાસ માટે આભાર વ્યક્ત કર્યો. તેમણે આ અંગેના અંતિમ અહેવાલમાં સમાવિષ્ટ દરખાસ્તોને સમર્થન આપ્યું હતું, જે તાજેતરમાં જાહેર કરવામાં આવ્યું હતું.
‘સતામણીથી વિદ્યાર્થિની નાપાસ થઈ’
તપાસ દરમિયાન જાણવા મળ્યું કે તેમાં સામેલ એક વિદ્યાર્થિની કોર્સમાં નાપાસ થઈ ગઈ હતી. એવું માનવામાં આવે છે કે હેરાનગતિના કારણે આવું થયું છે. ત્યારપછી, કોલેજે તેણીને ફરીથી પ્રવેશ કરાવવામાં મદદ કરી અને વર્ગમાં પુનઃ પ્રવેશનો ખર્ચ પણ કવર કર્યો. આ ઉપરાંત વિદ્યાર્થિનીને કોલેજ દ્વારા ટ્યુશન પણ કરાવવામાં આવ્યું હતું. આ કેસમાં આખરે પ્રોફેસરને કોલેજમાંથી હાંકી કાઢવામાં આવ્યા હતા. જો કે, હજુ પણ કેટલાક પ્રશ્નો બાકી છે. આથી કોલેજે આ બાબતનો ખુલાસો કર્યો ન હતો કે આ મામલો પોલીસને મોકલવામાં આવ્યો હતો કે કેમ. આ ઉપરાંત પ્રોફેસરનું નામ કેમ જાહેર કરવામાં આવ્યું નથી? તે કયા વિભાગમાં ભણાવતો હતો તે પણ જણાવવામાં આવ્યું ન હતું.
