આવતીકાલે યોજાશે બીજા તબક્કાનું મતદાન તૈયારીઓ પૂર્ણ

ગુજરાતમાં આવતી કાલે બીજા તબક્કાનું મતદાન શરૂ થવાનું છે. જેના ભાગરૂપે તંત્ર દ્વારા તૈયારીઓ કરી દેવામાં આવી છે. કલેકટર ઓફિસ દ્વારા ચૂંટણી સ્ટાફને EVM ફાળવવામાં આવ્યા છે. જો કે પ્રથમ તબક્કાના મતદાન દરમ્યાન ચૂંટણી દરમિયાન અમદાવાદ જીલ્લામાં 6007 પ્રિસાઈડિંગ ઓફિસર ફરજ બજાવશે.
ગુજરાત વિધાનસભા ચૂંટણીમાં 11 હજાર 222 પોલીસ ઓફિસર ફરજ બજાવશે અને 8736 મહિલા પોલીસ ઓફિસર સહિત 40,841 કર્મચારીઓ ચૂંટણીમાં સતત કાર્યરત રહેશે. ઉલ્લેખનીય છે કે, બીજા તબક્કામાં કુલ 2 કરોડ 22 લાખ મતદારો છે. જેમાં 1 કરોડ 13 લાખ પુરૂષ મતદારો છે.
બીજા તબક્કાની ચૂંટણીમાં CPIના 1, CPI-Mના 3, JDSના 1 અને શિવસેનાના 17 ઉમેદવારો મેદાનમાં છે. આ ચૂંટણીમાં ભાજપના 93 ઉમેદવાર અને કોંગ્રેસના 91 ઉમેદવારો વચ્ચે ખરાખરીનો ખેલ છે. આ ચૂંટણીમાં 350 જેટલા અપક્ષ ઉમેદવારો ચૂંટણી લડશે.