અમેરિકી શેરબજારમાં ઉથલપાથલની અસર સ્થાનિક શેરબજારમાં પણ જોવા મળી હતી. સપ્તાહના છેલ્લા ટ્રેડિંગ દિવસે સેન્સેક્સ અને નિફ્ટી લાલ નિશાન સાથે ખુલ્યા છે. ટ્રેડિંગ સેશનની શરૂઆતમાં 30 પોઈન્ટનો સેન્સેક્સ 155 પોઈન્ટના ઘટાડા સાથે 52,863.34 પોઈન્ટ પર ખુલ્યો હતો. તે જ સમયે, 50 પોઇન્ટનો નિફ્ટી ઇન્ડેક્સ 15,703.70 પર ખુલ્યો હતો. પ્રી-ઓપન સેશનમાં સેન્સેક્સના 30માંથી 11 શેરોમાં વધારો જોવા મળ્યો હતો.
નિફ્ટીના ટોપ લુઝર્સ અને ગેઇનર્સ
શરૂઆતના કારોબારમાં જ સેન્સેક્સ 300થી વધુ પોઈન્ટ તૂટી ગયો હતો, જ્યારે નિફ્ટીમાં પણ લગભગ 100 પોઈન્ટનો ઘટાડો જોવા મળ્યો હતો. નિફ્ટીના એશિયન પેઇન્ટ, બીપીસીએલ, એચડીએફસી લાઇફ લાઇફ, ટેક મહિન્દ્રા અને વિપ્રોમાં શરૂઆતના વેપારમાં ઉછાળો જોવા મળ્યો હતો. આ સિવાય ટાઇટન, બજાજ ઓટો, ડૉ રેડ્ડીઝ, ટાટા મોટર્સ અને HDFCમાં સૌથી વધુ ઘટાડો જોવા મળ્યો હતો.
યુએસ સ્ટોક માર્કેટ
બીજી તરફ અમેરિકી શેરબજારમાં અસ્થિરતાનું વાતાવરણ છે. ગુરુવારના ટ્રેડિંગમાં ડાઉ 250 પોઈન્ટ ઘટ્યો હતો, જ્યારે નાસ્ડેક 1.3 ટકા ઘટ્યો હતો. છેલ્લા એક કલાકમાં અમેરિકી બજારોમાં નીચલા સ્તરેથી રિકવરી જોવા મળી હતી. ડોલર સામે રૂપિયો અત્યાર સુધીના સૌથી નીચલા સ્તરે પહોંચી ગયો છે. રૂપિયો 79ની સપાટીએ પહોંચી ગયો છે.
ગુરુવારે ભારતીય શેરબજારની સ્થિતિ
આ પહેલા ગુરુવારે સ્થાનિક શેરબજારના સેન્સેક્સ અને નિફ્ટી સૂચકાંકોમાં થોડો ઘટાડો જોવા મળ્યો હતો. 30 શેર પર આધારિત BSE સેન્સેક્સ 8.03 પોઈન્ટ ઘટીને 53,018.94 પર બંધ થયો હતો. ટ્રેડિંગ દરમિયાન તે 350.57 પોઈન્ટ સુધી ચઢી ગયો હતો. બીજી તરફ નેશનલ સ્ટોક એક્સચેન્જનો નિફ્ટી પણ 18.85 પોઈન્ટના ઘટાડા સાથે 15,780.25 પર બંધ રહ્યો હતો.
