ખાનગીકરણ સામે વિરોધ છતાં સરકારે વધુ એક મોટી કંપનીને ખાનગી હાથમાં સોંપી દીધી છે.આ દિવસે સરકારી કંપનીને દિગ્ગજ ઉદ્યોગપતિ રતન ટાટાએ ખરીદી લીધી છે. વાસ્તવમાં આ કંપની ખોટમાં ચાલી રહી હતી અને આ પ્લાન્ટ 30 માર્ચ 2020થી બંધ છે.
નોંધનીય છે કે ઓડિશા સ્થિત નીલાચલ ઈસ્પાત નિગમ લિમિટેડ (NINL)ને ટાટા ગ્રૂપની એક પેઢીને સોંપવામાં આવી રહી છે, તેની સમગ્ર પ્રક્રિયા જુલાઈના મધ્ય સુધીમાં પૂર્ણ થવાની શક્યતા છે. ટાટા સ્ટીલના એકમ ટાટા સ્ટીલ લોંગ પ્રોડક્ટ્સ (TSLP)એ આ વર્ષે જાન્યુઆરીમાં એનઆઈએનએલમાં રૂ. 12,100 કરોડના એન્ટરપ્રાઈઝ મૂલ્યમાં 93.71 ટકા હિસ્સો હસ્તગત કરવાની બિડ જીતી હતી, એમ એક અધિકારીએ જણાવ્યું હતું. જિંદાલ સ્ટીલ એન્ડ પાવર લિમિટેડ, નલવા સ્ટીલ એન્ડ પાવર લિમિટેડ અને JSW સ્ટીલ લિમિટેડના કન્સોર્ટિયમને પાછળ છોડીને કંપનીએ આ સફળતા હાંસલ કરી છે. હવે ટૂંક સમયમાં રતન ટાટાની પેઢી તેની સંભાળ લેશે.
એક અધિકારીએ ન્યૂઝ એજન્સી પીટીઆઈ-ભાષાને જણાવ્યું હતું કે, “ટ્રાન્ઝેક્શન અંતિમ તબક્કામાં છે અને આવતા મહિનાના મધ્ય સુધીમાં ટ્રાન્સફર થઈ જવું જોઈએ.” કંપનીમાં સરકારનો કોઈ હિસ્સો ન હોવાથી વેચાણની રકમ સરકારી તિજોરીમાં જમા કરવામાં આવતી નથી. તે ઓડિશા સરકારના ચાર CPSE અને બે PSU ને જશે.
જણાવી દઈએ કે નીલાચલ ઈસ્પાત નિગમ લિમિટેડ પાસે 1.1 મેટ્રિક ટનની ક્ષમતા સાથે ઓડિશાના કલિંગનગર ખાતે એકીકૃત સ્ટીલ પ્લાન્ટ છે. આ સરકારી કંપની પણ ભારે ખોટમાં ચાલી રહી છે અને આ પ્લાન્ટ 30 માર્ચ 2020થી બંધ છે. કંપની પાસે 31 માર્ચ, 2021 સુધીમાં રૂ. 6,600 કરોડથી વધુનું દેવું અને જવાબદારીઓ છે, જેમાં પ્રમોટરોને રૂ. 4,116 કરોડ, બેન્કોના રૂ. 1,741 કરોડ, અન્ય લેણદારો અને કર્મચારીઓના જંગી લેણાંનો સમાવેશ થાય છે.
