છત્તીસગઢમાં નેશનલ ઇન્સ્ટિટ્યૂટ ઓફ ટેક્નોલોજી, રાયપુરના 3 વિદ્યાર્થીઓએ મકાઈના લોટમાંથી બાયોડિગ્રેડબલ પ્લાસ્ટિક બનાવ્યું છે. હાલ માર્કેટમાં ઉપલબ્ધ નોર્મલ પ્લાસ્ટિકને નષ્ટ થવામાં સમય લાગે છે, તેવામાં આ પ્લાસ્ટિક માત્ર 1 વર્ષમાં નષ્ટ થઈ જશે. એટલું જ નહીં પણ આ પ્લાસ્ટિકને રિસાઈકલ કરીને ફરીથી ઉપયોગમાં પણ લઈ શકાશે. એનઆઈટીના નિખિલ વર્મા, કૃષ્ણેદુ અને નિહાલ પાંડેએ મકાઈના લોટ(સ્ટાર્ચ)માં ગ્લિસરિન ભેળવીને પ્લાસ્ટિક બનાવ્યું છે. આ પ્લાસ્ટિકથી પર્યાવરણ કે પ્રાણીઓને કંઈ નુકસાન નહીં થાય. મકાઈના લોટમાંથી પ્લાસ્ટિક બનાવનાર વિદ્યાર્થીઓએ કહ્યું કે, અમને આ પ્લાસ્ટિક બનાવતા 3 મહિનાનો સમય લાગ્યો હતો. નિખિલ વર્માએ કહ્યું કે, અમે પુકાર ગો ગ્રીન ફેસ્ટ માટે આ પ્લાસ્ટિક તૈયાર કર્યું હતું. આ સ્પર્ધામાં અમે પ્રથમ નંબરે આવ્યા. અમે કોલેજની લેબમાં જ પ્લાસ્ટિકનું પરીક્ષણ કર્યું અમારી મહેનતને કારણે સફળ રહ્યા.આ પ્લાસ્ટિકને અમે માર્કેટમાં પણ ટૂંક સમયમાં ઉતારવાના છીએ. ટીમના અન્ય મેમ્બરે જણાવ્યું કે, બાયોડિગ્રેડબલ પ્લાસ્ટિકને માત્ર 1 વર્ષના સમયગાળામાં નષ્ટ કરી શકાય છે. પ્રદૂષણનો નાશ કરવા માટે મકાઈના લોટમાંથી બનાવેલું પ્લાસ્ટિક મહત્ત્વની ભૂમિકા ભજવી શકે છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.