VASTU: ઘરમાં પૂર્વ દિશાની દીવાલમાં બારી હોવું શુભ માનવામાં આવે છે

વાસ્તુશાસ્ત્રમાં અનેક નાની-નાની વાતનું ધ્યાન રાખવામાં આવ્યું છે. ઘર કે કામકાજની જગ્યાએ બારી અને દરવાજાની સંખ્યા અને તેમને ખોલવાની રીત ખૂબ જ મહત્ત્વપૂર્ણ છે. બારી અને દરવાજા કઇ દિશામાં હોય, તેનું ખાસ ધ્યાન રાખવામાં આવે છે. જેના દ્વારા નુકસાન અને પરેશાનીઓથી બચી શકાય છે. વાસ્તુશાસ્ત્ર પ્રમાણે ઘરમાં બારીમાંથી જ નેગેટિવ એનર્જી બહાર જાય છે અને પોઝિટિવ એનર્જી ઘરમાં આવે છે. બારીથી ઘરની સુંદરતા પણ વધે છે. હવા અને સૂર્યનો પ્રકાશ પણ બારી દ્વારા જ રૂમમાં આવે છે. ઘરમાં બારી બનાવતી વખતે વાસ્તુના થોડાં નિયમોનું ધ્યાન રાખવું જોઇએ. બારી ખોલતી કે બંધ કરતી વખતે અવાજ આવવો જોઇએ નહીં. તેનો પ્રભાવ ઘરની સુખ-શાંતિ ઉપર પડે છે. જેના કારણે પરિવારના સભ્યોનું ધ્યાન ભંગ થાય છે. ઘરમાં બારીની સંખ્યા સમ એટલે 2, 4 કે 6 હોવી જોઇએ. ઘરની પૂર્વ દિશા તરફ બારી જરૂર બનાવવી જોઇએ. જેથી રોજ સવારે સૂર્યના કિરણો સીધા રૂમમાં આવી શકે.