PM મોદી અને CM યોગી અાદિત્યનાથ વચ્ચે થઈ મુલાકાત

ઉત્તરપ્રદેશમાં સ્થાનિક સ્વરાજ્યની નગરપાલિકાની ચૂંટણીમાં ભાજપના ભવ્ય વિજય બાદ મુખ્યમંત્રી યોગી આદિત્યનાથ અને વડાપ્રધાન નરેન્દ્ર મોદી વચ્ચે મુલાકાત થઈ હતી.ઉત્તરપ્રદેશના CM યોગી અાદિત્યનાથે 7 લોકકલ્યાણ માર્ગ પર PM મોદીના નિવાસે વડાપ્રધાન નરેન્દ્ર મોદીને મળ્યા હતા. CM યોગી અાદિત્યનાથે ઉત્તરપ્રદેશમાં નગરપાલિકાની ચૂંટણીમાં ભાજપના ભવ્ય વિજય પર ચર્ચા કરી હતી.
સ્થાનિક સ્વરાજ્યની નગરપાલિકાની ચૂંટણીમાં ભાજપના મેયર પદે 16માંથી 14 પદ પર વિજય મેળવ્યો છે. તે ઉપરાંત નગરપાલિકા અને નગર પંચાયત ચૂંટણીમાં પણ પક્ષે સરસ જીત મેળવી છે. ઉત્તરપ્રદેશ નગર અધ્યક્ષ ચૂંટણીના પરિણામો આવ્યાં પછી કાલે મોદીએ ટ્વિટ કર્યું કે તે દેશની વિકાસની જીત હશે. તેમણે આ માટે ઉત્તરપ્રદેશના જનતાનો આભાર માન્યો અને યોગી અાદિત્યનાથ અને ભાજપના તમામ કાર્યકર્તાઓને શુભકામનાઓ પાઠવી.