પીટર નાવારોની ભારત-વિરોધી ટિપ્પણીઓ પર એલોન મસ્કનો પ્રહાર
ડોનાલ્ડ ટ્રમ્પના ભૂતપૂર્વ સલાહકાર પીટર નાવારો અને X (અગાઉ ટ્વિટર)ના માલિક એલોન મસ્ક વચ્ચેનો તાજેતરનો વિવાદ ચર્ચામાં છે. નાવારોએ ભારત વિરુદ્ધ ખોટી માહિતી ફેલાવતા એક નિવેદન આપ્યું, જેના પર Xના ફેક્ટ-ચેક ફીચર દ્વારા તેનો પર્દાફાશ કરવામાં આવ્યો. આનાથી ગુસ્સે થઈને નાવારોએ X અને મસ્ક પર પ્રહાર કર્યો. જવાબમાં, મસ્કે સ્પષ્ટ કર્યું કે તેમનું પ્લેટફોર્મ સત્ય અને ખુલ્લા સંવાદ માટેનું છે, જ્યાં દરેકની વાતોને તથ્યોના આધારે ચકાસવામાં આવે છે.
Wow. @elonmusk is letting propaganda into people's posts. That crap note below is just that. Crap. India buys Russia oil solely to profiteer. It didn't buy any before Russia invaded Ukraine. Indian govt spin machine moving high tilt. Stop killing Ukranians. Stop taking… https://t.co/Uj1NMUrVOM
— Peter Navarro (@RealPNavarro) September 6, 2025
નાવારોની ભારત-વિરોધી પોસ્ટ
પીટર નાવારોએ X પર ભારત વિરુદ્ધ એક પોસ્ટ કરી હતી, જેમાં તેમણે લખ્યું હતું કે, “હકીકત: ભારતના અતિશય ટેરિફ અમેરિકન નોકરીઓ ખતમ કરી રહ્યા છે. ભારત રશિયા પાસેથી ફક્ત નફા માટે તેલ ખરીદે છે, જેનાથી રશિયાના યુદ્ધ મશીનને બળતણ મળે છે. યુક્રેનિયનો/રશિયનો મરી રહ્યા છે. અમેરિકન લોકો વધુ ચૂકવણી કરી રહ્યા છે. ભારત સત્ય સ્વીકારી શકતું નથી.”
આ પોસ્ટમાં નાવારોએ ભારત પર ખોટા આરોપો લગાવ્યા. જોકે, Xના કોમ્યુનિટી નોટ્સ ફીચર દ્વારા આ દાવાઓને તથ્યોના આધારે ખોટા સાબિત કરવામાં આવ્યા.
On this platform, the people decide the narrative.
You hear all sides of an argument.
Community Notes corrects everyone, no exceptions. Notes data & code is public source.
Grok provides further fact-checking.
— Elon Musk (@elonmusk) September 7, 2025
એલોન મસ્કનો જવાબ
નાવારોએ ફેક્ટ-ચેક પર ગુસ્સે થઈને Xની ટીકા કરી, જેને “પ્રચાર” તરીકે ગણાવ્યો. તેના જવાબમાં, એલોન મસ્કે 7 સપ્ટેમ્બરે X પોસ્ટ દ્વારા નાવારોને જવાબ આપ્યો. તેમણે કહ્યું, “આ પ્લેટફોર્મ પર, લોકો વાર્તા નક્કી કરે છે. તમે ચર્ચાના બધા પક્ષોને સાંભળો છો. સમુદાય નોંધો દરેકને સુધારે છે, કંઈ નવું નથી, નોંધો, ડેટા અને કોડ બધું જ જાહેર છે. ગ્રોક (Grok) વધારાની હકીકત-તપાસ કરે છે.”
મસ્કનો આ જવાબ દર્શાવે છે કે તેઓ ખોટી માહિતી (Misinformation) સામે લડવા માટે પ્રતિબદ્ધ છે. તેમનું પ્લેટફોર્મ દરેકને તેમના મંતવ્યો વ્યક્ત કરવાની સ્વતંત્રતા આપે છે, પરંતુ તે મંતવ્યો તથ્યો પર આધારિત છે કે કેમ તે ચકાસવા માટે પણ સિસ્ટમ ગોઠવી છે.
વૈશ્વિક રાજકારણ અને સોશિયલ મીડિયાની ભૂમિકા
આ ઘટના એ પણ દર્શાવે છે કે સોશિયલ મીડિયા પ્લેટફોર્મ્સ વૈશ્વિક રાજકારણમાં કેટલી મહત્વપૂર્ણ ભૂમિકા ભજવી રહ્યા છે. જ્યાં એક તરફ નેતાઓ તેનો ઉપયોગ તેમના મંતવ્યો પ્રસારિત કરવા માટે કરે છે, ત્યાં બીજી તરફ આ પ્લેટફોર્મ પર ઉપલબ્ધ ફેક્ટ-ચેકિંગ સુવિધાઓ તેમના દાવાઓને ચકાસવા અને ખોટી માહિતીને રોકવામાં મદદ કરે છે. મસ્કનો જવાબ સ્પષ્ટ કરે છે કે X એક એવી જગ્યા છે જ્યાં સત્યને પ્રાથમિકતા આપવામાં આવે છે, પછી ભલે તે ગમે તેટલો શક્તિશાળી વ્યક્તિ હોય.
