બાળકોથી લઈને મોટાં સુધી સૌને ભાવશે! આ રીતે ઘરે બનાવો મુંબઈ સ્પેશિયલ સ્ટ્રીટ સ્ટાઈલ ફ્રેન્કી

ઘરે બેઠા માણો મુંબઈના ફેવરિટ સ્ટ્રીટ ફૂડ ફ્રેન્કીની મજા, બસ આ રેસિપી ટ્રાય કરો

ફ્રેન્કી (Frankie) આમ તો હવે દેશના મોટાભાગના વિસ્તારોમાં મળે છે, પરંતુ તે મુંબઈનું ખૂબ જ પ્રખ્યાત સ્ટ્રીટ ફૂડ છે. તમે થોડી સામગ્રીનો ઉપયોગ કરીને જ સ્વાદિષ્ટ ફ્રેન્કી તૈયાર કરી શકો છો. આ ખાવામાં પણ સ્વાદિષ્ટ હોય છે અને તેમાં વપરાતી વસ્તુઓ પણ ખૂબ જ હેલ્ધી હોય છે. જો તમને હળવી ભૂખ લાગી હોય અથવા મહેમાનો માટે નાસ્તો તૈયાર કરવો હોય, તો આ એક સારો અને ટેસ્ટી વિકલ્પ છે. ચાલો જાણીએ તેની સરળ રેસિપી.

ફ્રેન્કી બનાવવા માટેની સામગ્રી

ફ્રેન્કી મસાલા માટે –
લાલ મરચું પાવડર, ધાણા પાવડર, ગરમ મસાલો, શેકેલા જીરાનો પાવડર, હળદર પાવડર, કાળા મરીનો પાવડર, સંચળ (કાળું મીઠું), આમચૂર પાવડર

ફ્રેન્કીના લોટ માટે-
મેંદો, ઘઉંનો લોટ, મીઠું

સ્ટફિંગ માટે –
3-4 બાફેલા અને મેશ કરેલા બટાકા, આદુ-લસણ-મરચાની પેસ્ટ, તેલ, સમારેલી કોથમીર, ડુંગળી અને ગાજર (બારીક સમારેલા)

ફાફડા બનાવવાની સરળ ટ્રીક! હવે ક્યારેય નહીં તૂટે કે નરમ નહીં પડે, બનશે એકદમ ક્રિસ્પી

માત્ર 1 લાડુ! ભૂખ પણ મટાડશે અને હાડકાંને બનાવશે લોખંડી! મખાના-નાળિયેરની અદ્ભુત રેસિપી

ટીપ: ફ્રેન્કી મસાલા માટેની બધી સામગ્રીને સારી રીતે મિક્સ કરીને એક ડબ્બામાં ભરી લો.

ફ્રેન્કી બનાવવાની સરળ રીત

1. ફ્રેન્કીનો લોટ બાંધવો

• મેંદો, ઘઉંનો લોટ અને મીઠું ભેગા કરીને પાણીની મદદથી નરમ લોટ બાંધી લો.
• આ લોટને 10-15 મિનિટ માટે ઢાંકીને રહેવા દો.

2. ફ્રેન્કીનો બેઝ (રોટી) તૈયાર કરવો

• બાંધેલા લોટને ફરી એકવાર સારી રીતે મસળી લો.
• તેના એકસરખા લૂઆ બનાવીને પાતળી રોટલી વણી લો.
• તવા પર થોડું તેલ કે ઘી લગાવીને આ રોટલીઓને બંને તરફથી હલકી શેકીને તૈયાર રાખો.

3. ફ્રેન્કીનું સ્ટફિંગ બનાવવું

માત્ર 10 મિનિટમાં સૂકા મસાલાથી તૈયાર કરો મસાલેદાર ભીંડાનું શાક, લંચ અને ડિનર માટે પરફેક્ટ

5 મિનિટમાં બનાવો બજાર જેવા ક્રિસ્પી સેવ-મમરા! વઘારની આ સિક્રેટ ટ્રીકથી મમરા ક્યારેય નહીં બળે

• એક પેનમાં મધ્યમ આંચ પર તેલ ગરમ કરો. તેમાં આદુ-લસણ અને લીલા મરચાંની પેસ્ટ નાખીને સુગંધ આવે ત્યાં સુધી સાંતળી લો.
• હવે તેમાં તૈયાર કરેલો ફ્રેન્કી મસાલો ઉમેરો અને ધીમા તાપે થોડીવાર સાંતળો, ધ્યાન રાખો કે મસાલો બળી ન જાય.
• આ મસાલામાં બાફેલા અને મેશ કરેલા બટાકા ઉમેરીને બરાબર મિક્સ કરો અને થોડીવાર ચલાવો.
• ગેસ બંધ કરીને ઉપરથી સમારેલી કોથમીર નાખી દો.
• આ મિશ્રણ ઠંડુ થાય પછી તેના 4 લાંબા આકારના રોલ બનાવી લો.

4. ફ્રેન્કી રોલ તૈયાર કરવો

• એક તવા પર થોડું તેલ મૂકીને, તૈયાર કરેલા બટાકાના લાંબા રોલને બંને બાજુએથી ગોલ્ડન બ્રાઉન થાય ત્યાં સુધી શેકી લો.
• હવે એક મોટી પ્લેટ પર શેકેલી રોટલી (ફ્રેન્કીનો બેઝ) મૂકો.
• તેના પર લીલી ચટણી લગાવો, થોડો ફ્રેન્કી મસાલો છાંટો અને બટાકાના રોલને વચ્ચે મૂકો.
• આ રોલની ઉપર બારીક સમારેલી ડુંગળી અને ગાજર ફેલાવી દો.
• રોટલીને ચુસ્ત રીતે રોલ કરી લો.
• તમે રોલની નીચેના ભાગને પાર્ચમેન્ટ પેપરથી લપેટી શકો છો, જેથી સ્ટફિંગ બહાર ન નીકળે.

તૈયાર થયેલી ગરમાગરમ ફ્રેન્કીને સોસ અથવા ચટણી સાથે સર્વ કરો અને મુંબઈના સ્ટ્રીટ ફૂડનો આનંદ માણો!