રેવતી સાથે ફરી કામ મળતાં તમન્ના ભાટીયા અત્યંત ખુશ

બોલીવૂડ અને સાઉથની અભિનેત્રી તમન્ના ભાટીયા હવે અભિનય થકી નામના મેળવી ચુકી છે. બોલીવૂડની સુપરહિટ ફિલ્મ ‘કવીન’ ની તમિલ રિમેક બની રહી છે. આ ફિલ્મમાં તમન્ના પણ કામ કરવાની છે. તમન્નાએ કહ્યું હતું કે કંગના રનોૈત અભિનીત આ ફિલ્મ મેં જોઇ ત્યારે જ મેં નક્કી કરી લીધુ હતું કે તમિલ રિમેક બનશે તો હું કામ કરીશ. તમન્ના કહે છે કવીન ફિલ્મ મારા માટે એટલે ખાસ છે કે તે મહિલા કેન્દ્રીત છે. એ ફિલ્મ ખુબ સફળ રહી હતી. કવીનની તમિલ રિમેકનું નિર્દેશન અભિનેત્રી રેવતી કરી રહી છે. રેવતી સાથે ફરી કામની તક મળવાને કારણે પણ તમન્ના ખુશ છે. ફિલ્મના સંવાદ લેખનનું કાર્ય અભિનેત્રી-ફિલ્મકાર સુહાસિની મણિરત્નમે કર્યુ છે.