મુંબઈ : ટીવી એક્ટર જાગેશ મુકાતીનું નિધન થયું છે. તેમના અચાનક અવસાનથી ટીવી ઇન્ડસ્ટ્રીમાં શોકનું મોજું ફરી વળ્યું છે. ‘તારક મહેતા કા ઉલ્ટા ચશ્માં; ફેમ અભિનેત્રી અંબિકા રંજનકર (કોમલ હાથી) એ સોશિયલ મીડિયા પર શોક વ્યક્ત કર્યો છે. તેણે જાગેશનો ફોટો સોશિયલ મીડિયા પર શેર કર્યો છે અને ભાવનાત્મક સંદેશ પણ લખ્યો છે.
અંબિકાએ પોસ્ટ પર લખ્યું : – દયાળુ, સહાયક અને શાનદાર સેન્સ ઓફ હ્યુમર. ખુબ જલ્દી ચાલ્યા ગયા. તમારા આત્માને શાંતિ મળે. જાગેશ તમે હંમેશા યાદોમાં રહેશો ‘.. આ સાથે અંબિકાએ જગેશ સાથે એક ફોટો પણ શેર કર્યો છે. 🕉 શાંતિ. ખબર છે કે જગેશ અને અંબિકાએ પણ સાથે કામ કર્યું હતું.
જગેશે આ ટીવી શોમાં કામ કર્યું હતું
જગેશે ટીવી શોની સાથે સાથે ફિલ્મોમાં પણ અભિનય કર્યો હતો. તેઓ ગુજરાતી રંગભૂમિમાં પણ ખૂબ પ્રખ્યાત હતા. અમિતા કા અમિત, શ્રી ગણેશ જેવા શોથી જાગેશને ઓળખાણ મળી. જાગેશના અભિનયને ખૂબ પસંદ કરવામાં આવ્યો હતો.