હજી પણ રેખા નથી ભૂલી અમિતાભને, છાનો માનો જોય લીધો ફોટો

તાજેતરમાં જ સેલિબ્રિટી ફોટોગ્રાફર ડબ્બૂ રતનાનીએ પોતાનું કેલેન્ડર લોન્ચ કર્યું હતું. આ કેલેન્ડર લોન્ચિંગ ઈવેન્ટમાં અનેક જાણીતા સેલેબ્સ આવ્યા હતાં. બોલિવૂડના શહેનશાહ અંતિમ ક્ષણે આ ઈવેન્ટમાં હાજર રહી શક્યા નહોતા. જોકે, રેખાએ કોઈની નજર ના પડે એ રીતે અમિતાભ બચ્ચનને નીરખી લીધા હતાં. અમિતાભ બચ્ચનની તબિયત સારી ના હોવાથી તેઓ છેલ્લી ઘડીએ હાજર રહી શક્યા નહીં અને તેમણે અભિષેક બચ્ચનને મોકલ્યો હતો. અભિષેક આવીને તરત જ જતો રહ્યો હતો. લોન્ચિંગના અડધો કલાક બાદ રેખા આવી હતી. પોડિયમ પર રેખા ફોટોગ્રાફર્સને પોઝ આપતી હતી. ત્યારે તેની નજર અમિતાભ બચ્ચનના ફોટો પર પડી હતી. રેખાએ એક નજર ફોટો પર રાખીને તરત જ ચહેરો હટાવી લીધો હતો. ત્યારબાદ તે અભિષેક બચ્ચનના ફોટો તરફ વળી હતી. અહીંયા પણ અંતે અમિતાભ બચ્ચનનો ફોટો હતો. રેખાએ ઘણી જ સ્માર્ટલી અમિતાભના ફોટો પર નજર ફેરવી હતી. ત્યારબાદ તે મિસ વર્લ્ડ માનુષી છિલ્લરના ફોટો આગળ આવી હતી. નવાઈની વાત એ હતી કે માનુષીના ફોટા આગળ અમિતાભ બચ્ચનનો જ ફોટો હતો અને એ રીતે રેખાએ આ ઈવેન્ટ દરમિયાન ઘણીવાર અમિતાભના ફોટોને મન ભરીને જોયો હતો.