IPL સટ્ટામાં સામે આવ્યું અરબાઝ ખાનનું નામ

થાણે પોલીસે તાજેતરમાં જ એક આંતરરાષ્ટ્રીય સટ્ટાબાજીના કેસમાં બોલિવૂડ એક્ટર સલમાન ખાનના ભાઈ અરબાઝ ખાનને સમન્સ મોકલ્યું છે. અરબાઝ ખાન પર આઈપીએલમાં સટ્ટાબાજીનો આરોપ છે. પોલીસે અરબાઝ ખાનને પૂછપરછ માટે હાજર રહેવા જણાવ્યું છે. સમન્સ શુક્રવારે સવારે તેમના બાંદ્રાના ઘરે મોકલવામાં આવ્યો છે. તેમાં ઉલ્લેખ કરવામાં આવ્યો છે કે, મુંબઈથી ચાલતા આઈપીએલ સટ્ટામાં તેઓ સંકળાયેલા છે.