Badshah Night Club Blast: લોરેન્સ બિશ્નોઈ ગેંગે ચંદીગઢ બ્લાસ્ટની જવાબદારી લીધી! રેપર બાદશાહને આપી ખંડણીની ધમકી
Badshah Night Club Blast મંગળવારે વહેલી સવારે ચંદીગઢમાં બે નાઇટ ક્લબની બહાર થયેલા વિસ્ફોટોથી વિસ્તારમાં ભયનો માહોલ ફેલાયો હતો. લોરેન્સ બિશ્નોઈ ગેંગના બે ગેંગસ્ટર ગોલ્ડી બ્રાર અને રોહિત ગોદારાએ સોશિયલ મીડિયા પોસ્ટ દ્વારા વિસ્ફોટની જવાબદારી લીધી હતી. તેણે દાવો કર્યો હતો કે સિલ્વર રેસ્ટોરન્ટ જ્યાં બ્લાસ્ટ થયો હતો તેનો માલિક પ્રખ્યાત રેપર બાદશાહ છે.
પોસ્ટમાં એમ પણ કહેવામાં આવ્યું છે કે
રેસ્ટોરન્ટના માલિકને ખંડણીની ધમકી આપવામાં આવી હતી, પરંતુ તેણે કોલ રિસીવ કર્યો ન હતો. જોકે, સોશિયલ મીડિયા પર કરવામાં આવેલા આ દાવાઓની હજુ સુધી પુષ્ટિ થઈ નથી. પોલીસ આ મામલે તપાસ કરી રહી છે અને વિસ્ફોટનું કારણ જાણવાનો પ્રયાસ કરી રહી છે.
આ ઘટના સેક્ટર 26માં બે નાઇટ ક્લબની બહાર બની હતી, જ્યાં શંકાસ્પદ બાઇક સવારોએ વિસ્ફોટકો ફેંક્યા હતા. પ્રાથમિક માહિતી અનુસાર, બ્લાસ્ટ ઓછી તીવ્રતાનો હતો અને કોઈને ઈજા થઈ હોવાના અહેવાલ નથી. ઘટના બાદ ચંદીગઢ પોલીસ અને બોમ્બ ડિસ્પોઝલ સ્કવોડે ઘટનાસ્થળે પહોંચીને તપાસ શરૂ કરી છે.
