મુંબઈ : બિગ બોસ 14 ના અંતિમ અઠવાડિયામાં, બે લોકો પહેલેથી જ ટોપ – 4 સ્પર્ધકોમાં સ્થાન મેળવી ચૂક્યા છે. અંતિમ 4 ની જાહેરાત વિકેન્ડ કા વારમાં કરવામાં આવશે. એજાઝ ખાન અને અભિનવ શુક્લાએ ફાઈનલ 4 માં પોતાનું સ્થાન બનાવ્યું છે. હવે બાકીના બે સ્પર્ધકોના નામ સંશયાત્મક રહ્યા છે કેમ કે બધા એક કરતા એક ચડિયાતા છે.
આ દરમિયાન એવા સમાચાર છે કે રુબીના દિલેક અને જાસ્મિન ભસીન ફાઇનલ -4 માં પ્રવેશ કરી ચૂકી છે. તે જ સમયે, રાહુલ વૈદ્ય અને નિક્કી તંબોલી ઇવિક્ટ થઈ ગયા છે.
બિગ બોસ ખબરીના જણાવ્યા પ્રમાણે રુબીના અને જાસ્મિન એજાઝ ખાન અને અભિનવ શુક્લાની સાથે ફાઇનલ -4 માં પહોંચ્યા છે. પ્રેક્ષકોએ આ બંને સ્પર્ધકોને વધુ મતદાન કર્યું છે.
તે જ સમયે, રાહુલ વૈદ્ય અને નિક્કી તંબોલી દર્શકોના ઓછા મતને કારણે શોમાંથી બહાર નીકળી ગયા છે. જો કે આ સમાચાર કેટલા સાચા છે, તેનો જવાબ શો પ્રસારણ પછી જ જાણી શકાય છે.
બિગ બોસ ખબરીના અહેવાલ મુજબ, જાસ્મિન ભસીન અને રાહુલ વૈદ્ય વચ્ચે બહુ તફાવત નહોતો. જાસ્મિને અંતિમ મતોની ગણતરીમાં રાહુલને પરાજિત કરીને ફાઈનલ -4 માં પ્રવેશ કર્યો હતો.