‘ભુજ: ધ પ્રાઇડ ઓફ ઈન્ડિયા’નું પાવરફુલ ટીઝર આઉટ, જાણો ક્યારે રિલીઝ થશે ટ્રેલર

મુંબઈ : મલ્ટિસ્ટારર ફિલ્મ ‘ભુજ: ધ પ્રાઇડ ઓફ ઈન્ડિયા’નું પાવરફુલ ટીઝર રિલીઝ કરવામાં આવ્યું છે. આ દેશભક્તિની ફિલ્મમાં  એક્શન-યુદ્ધ દ્રશ્યોનો ડબલ ડોઝ જોવા મળી રહ્યો છે. ફિલ્મનું ટીઝર જોયા પછી લોકો એટલા પ્રભાવિત થયા છે કે તેઓ તેનું ટ્રેલર જલદીથી જોવા માંગે છે. ફિલ્મનું ટ્રેલર આવતીકાલે એટલે કે 12 જુલાઈના રોજ આવનાર છે.

ટીઝરમાં અજય દેવગનનો જોરદાર અવાજ સંભળાય છે. અજય દેવગન જે રીતે સંવાદ બોલે છે તેના ચાહકોને પસંદ આવી રહ્યા છે. ટીઝરમાં નોરા ફતેહી, સંજય દત્ત, સોનાક્ષી સિંહા અને અજય દેવગનની એક ઝલક નજરે પડે છે. આ ફિલ્મનું પ્રીમિયર 13 ઓગસ્ટે સીધા ઓટીટી પ્લેટફોર્મ ‘ડિઝની પ્લસ હોટસ્ટાર’ પર થવાનું છે.

અજય દેવગને તેના સોશ્યલ મીડિયા પર ‘ભુજ: ધ પ્રાઇડ ઓફ ઇન્ડિયા’નું ટીઝર શેર કરતાં કહ્યું કે’ આજ સુધીની સૌથી મોટી લડત’, આ સાથે જ કહ્યું કે, તેનું ટ્રેલર આવતીકાલે આવશે.

https://twitter.com/ajaydevgn/status/1414100240156676098?ref_src=twsrc%5Etfw%7Ctwcamp%5Etweetembed%7Ctwterm%5E1414100240156676098%7Ctwgr%5E%7Ctwcon%5Es1_c10&ref_url=https%3A%2F%2Fhindi.news18.com%2Fnews%2Fentertainment%2Fbollywood-ajay-devgn-nora-fatehi-and-sanjay-dutt-film-bhuj-the-pride-of-india-teaser-out-trailer-out-tomorrow-ss-3652314.html

ટીઝર શેર કરતી વખતે નોરાએ પણ એમ કહ્યું છે કે આવતીકાલે એટલે કે 12 જુલાઈએ ફિલ્મનું ટ્રેલર બહાર આવશે.

‘ભુજ’ ની વાર્તા 1971 માં ભારત-પાકિસ્તાન યુદ્ધ દરમિયાન બનેલી સાચી અને બોલ્ડ ઘટનાથી પ્રેરાઈ છે. અજય ભારતીય હવાઈ દળના સ્ક્વોડ્રોન લીડર વિજય કર્ણિકની ભૂમિકા નિભાવે છે, જે તે સમયે ભુજ એરપોર્ટનો હવાલો સંભાળતા હતા.

આ સાથે જ સંજય દત્ત રણછોડદાસ પગીની ભૂમિકામાં છે. એમી વિર્ક વિક્રમસિંહ બઝ જેઠજની ભૂમિકામાં છે. સોનાક્ષીના પાત્રનું નામ સુંદરબેન જેઠા છે. તે જ સમયે, નોરા હિરા રહેમાન નામનું પાત્ર ભજવી રહી છે.