મુંબઈ: પીઢ અભિનેતા અનુપમ ખેરે બોલિવૂડથી હોલીવુડ સુધી ઘણી ફિલ્મોમાં કામ કર્યું છે. આ દિવસોમાં તેઓ ન્યૂયોર્કમાં છે અને કેટલાક વ્યાવસાયિક પ્રોજેક્ટ્સ પર કામ કરી રહ્યા છે. ન્યુ યોર્કમાં, તેઓ એપલ વોચ સ્ટોર પર ગયા, જ્યાં તેમણે ટ્વિટર પર વીડિયો શેર કર્યો. આ વીડિયોમાં એપલની ઘણી સ્માર્ટ ઘડિયાળો જોવા મળે છે. આ ઘડિયાળ જોયા બાદ અનુપમ ખેરને નિરાશાનો સામનો કરવો પડે છે. આ વીડિયો સોશિયલ મીડિયા પર વધુને વધુ વાયરલ થઈ રહ્યો છે.
ખરેખર, અનુપમ ખેર એપલના સ્ટોરમાં એપલ વોચનું ઓલિમ્પિક કલેક્શન જોઈ રહ્યા હતા. આ ઘડિયાળ ઓલિમ્પિકમાં ભાગ લેનાર દેશોના ધ્વજને રિપ્રીઝેન્ટ કરતી હતી, પરંતુ તેમાં ભારતીય ધ્વજનું રિપ્રીઝેન્ટ કરતી ઘડિયાળ નહોતી. અનુપમ ખેરને આ ગમ્યું નહીં અને તેમણે એપલને ટેગ કરીને ટ્વિટ કર્યું છે. આ ટ્વીટમાં તેમણે એપલ સ્ટોરમાં રાખવામાં આવેલા ઓલિમ્પિક કલેક્શનનો વીડિયો પણ શેર કર્યો છે.
અનુપમ ખેરે પોતાની ટ્વિટમાં લખ્યું, ‘પ્રિય એપલ, 5 એવન્યુ, ન્યૂયોર્ક પર સ્થિત તમારા સ્ટોર પર ગયો હતો. તે એકદમ પ્રભાવશાળી હતું! આંતરરાષ્ટ્રીય ઓલિમ્પિક્સનું કલેક્શન હતું. જેમાં વિવિધ દેશોના ધ્વજ સાથેની ઘડિયાળો જોવા મળી હતી! ભારતને રિપ્રીઝેન્ટ કરતી ઘડિયાળ તેમાં ન હતી તે જોઈને હું નિરાશ થયો. હું આશ્ચર્ય પામી રહ્યો છું કે આવું કેમ હતું? અમે વિશ્વના સૌથી મોટા ગ્રાહકોમાંથી એક છીએ જે એપલ પ્રોડક્ટ ખરીદે છે.
અનુપમ ખેર તેની આગામી ફિલ્મ ‘શિવ શાસ્ત્રી બલબોઆ’ના શૂટિંગ માટે કેટલાક સપ્તાહોથી અમેરિકામાં છે. અજયન વેણુગોપાલન ફિલ્મનું નિર્દેશન કરી રહ્યા છે. આ ફિલ્મમાં નીના ગુપ્તા અને જુગલ હંસરાજ પણ છે. તાજેતરમાં, ‘શિવ શાસ્ત્રી બલબોઆ’નું શૂટિંગ પૂર્ણ થયા બાદ, અનુપમે એક ઇન્સ્ટાગ્રામ પોસ્ટ શેર કરી જેમાં તેણે પ્રોજેક્ટ પર કામ કરવાનો પોતાનો અનુભવ ચાહકો સાથે શેર કર્યો. અનુપમ ખેરની આ 519મી ફિલ્મ છે.