નવી દિલ્હી : બૉલીવુડ સુપર સ્ટાર સલમાન ખાન ફિલ્મ ‘ભારત’ નું શૂટિંગ પૂર્ણ કરી ચૂક્યા છે અને હવે તેઓ પોતાના આગામી મેગા પ્રોજેક્ટ ‘દબંગ – 3’ની શૂટિંગમાં વ્યસ્ત છે. આ ફિલ્મના સેટ પરથી ઘણી તસવીરો અત્યાર સુધીમાં સામે આવું ચુકી છે. પરંતુ પ્રથમ વાર આ ફિલ્મના સેટ પરથી સામે આવેલી તસવીરમાં સલમાનનો ચહેરો સ્પષ્ટ દેખાઈ રહ્યો છે. તેનો દબંગ લૂક જોઈને તેના ફેન ઘણા ખુશ છે. નોંધનીય છે કે, સલમાને પોતે તેના વેરિફાઇડ ટ્વીટર એકાઉન્ટ પર આ તસવીર શેર કરી છે.
HUD HUD Dabangg song done for #dabangg3…. @arbaazSkhan @PDdancing @Nikhil_Dwivedi pic.twitter.com/lD4oUZEXHA
— Salman Khan (@BeingSalmanKhan) April 5, 2019
તસવીર સાથેના કૅપ્શનમાં, સલમાને કહ્યું હતું કે હૂડ હુડ દબંગ સોંગની શૂટિંગ પૂર્ણ થઈ ગઈ છે. ઉલ્લેખનીય છે કે, ‘દબંગ’ શ્રેણીની 2 ફિલ્મોમાં પણ આ ગીતનું રીમેક બનાવવામાં આવ્યું છે.
ફિલ્મના ત્રીજા સિક્વલ પ્રભુ દેવા દ્વારા નિર્દેશિત છે. આ વખતે પણ સોનાક્ષી સિંહા ફિલ્મમાં લીડિંગ લેડી તરીકે જોવા મળશે. આ પહેલા, સોનાક્ષીએ ફિલ્મના પહેલા અને બીજા ભાગમાં પણ મુખ્ય ભૂમિકા ભજવી હતી.
સલમાન ખાન હાલમાં મધ્યપ્રદેશમાં ફિલ્મ દબગ 3 નું શૂટિંગ કરી રહ્યો છે. ફિલ્મનું ટાઈટલ ટ્રેક શૉટ કરવામાં આવ્યું હતું, જેમાંના કેટલાક ભાગ ઑનલાઇન લીક થયા હતા.
ફિલ્મનો પ્રથમ ભાગ 2010 માં રજૂ થયો હતો. આ ફિલ્મ એટલી લોકપ્રિય બની ગઈ કે તેનો બીજો ભાગ પણ રિલીઝ કરવામાં આવ્યો હતો અને ત્રીજા ભાગ પર કામ ચાલી રહ્યું છે.
