બોલીવૂડના ‘દબંગ ખાન’ સલમાનની ફિલ્મ દબંગ -3ની રિલીઝ ડેટ ફાઇનલ થઇ ગઇ છે. સલમાને પોતે ડાયરેક્ટર પ્રભુદેવાની સાથે તસવીર શેર કરીને રિલીઝ ડેટ જાહેર કરી છે. આ ફિલ્મ 20 ડિસેમ્બર 2019ના રોજ રિલીઝ થશે. આ સાથે અન્ય મહત્વની જાણકારી સામે આવી છે કે ફિલ્મ એક, બે નહીં પરંતુ ચાર ભાષાઓમાં રિલીઝ થશે.
સલમાન ખાનની ફિલ્મ દબંગ-3 હિન્દી, તમિલ, તેલુગુ અને કન્નડમાં રિલીઝ થશે. ફિલ્મમાં સલમાન ખાન ઉપરાંત સોનાક્ષી સિન્હા, વિનોદ ખન્નાના ભાઇ પ્રમોદ ખન્ના મુખ્ય રોલ ભજવતા દેખાશે. દંબગની અગાઉની બે ફિલ્મોમાં વિનોદ ખન્નાએ સલમાન ખાનના પિતાનો રોલ ભજવ્યો હતો, હવે તેમના નિધન બાદ તેમના ભાઇને આ રોલમાં લેવાયા છે.
આ ફિલ્મને પ્રભુદેવા ડાયરેક્ટ કરી રહ્યા છે. અરબાઝ ખાન ફિલ્મને પ્રોડ્યુસ કરી રહ્યા છે. મહેશ માંજરેકરની પુત્રી સાઇ દબંગ-3થી તેનું બોલીવૂડ ડેબ્યુ કરી રહી છે. હાલ ટીમ જયપુરમાં ફિલ્મનું શૂટિંગ કરી રહી છે.
