રણબીર કપૂરના કારણે ટળી શકે છે દીપીકા-રણવીરના લગ્ન

બોલિવુડ એક્ટર રણવીર સિંહ અને Deepika Padukone ના મેરેજની ખબર આજકાલ બી-ટાઉનમાં ચર્ચાનો વિષય બનેલ છે. છેલ્લા કેટલાક દિવસથી સતત એવી ખબર આવી રહી હતી કે, આ કપલ આ વર્ષના અંત સુધીમાં મેરેજ કરી લેશે પરંતુ તે દરમિયાન Deepika Padukone ના મેરેજ ટળશે એવી ખબર સામે આવી રહી છે. પ્રાપ્ત માહિતી મુજબ, દીપિકા પાદુકોણ ઘણા લાંબા સમયથી રણબીર કપૂર સાથે સીરીયસ રિલેશનમાં રહી છે. એક સમય એવો હતો જ્યારે દીપિકા રણબીર કપૂર માટે તેની કારકિર્દી છોડી મેરેજ કરવા માંગતી હતી. દીપિકા અને રણબીરની વચ્ચે લાંબા રિલેશન ટક્યા નહિ. આ કારણે દીપિકા ઘણા દિવસથી પરેશાન પણ છે. આજે ભલે દીપિકા અને રણબીર સારા ફ્રેન્ડ છે પરંતુ તેમના રિલેશનમાં આવેલી દરાર તે બન્ને વચ્ચે ગંભીર અસર છોડી ગઈ છે. દીપિકાના એક નજીકના સૂત્રોએ જણાવ્યું કે, રણબીર સાથે રિલેશનમાં આવેલ દર્દને દીપિકા હજુ ભુલાવી શકી નથી. તે રણવીર સિંહ સાથે વધારે ખુશ છે પરંતુ મેરેજના નામ પર તે ફરીથી કોઈ ભૂલ કરવા માંગતી નથી. દીપિકા-રણવીર બંને એકબીજા માટે સિરીયસ છે પરંતુ કોઈપણ નિર્ણય સુધી પહોચવા માટે દીપિકા ઉતાવળ કરવા માંગતી નથી. લગ્નને લઈને રણવીર સિંહ વધારે સીરીયસ છે અને તે બસ દીપિકાના જવાબની રાહ જોઈ રહ્યા છે. ઉલ્લેખનીય છે કે, થોડા દિવસ પહેલા એવી ખબર સામે આવી હતી કે રણવીર કપૂર અને દીપિકા પાદુકોણની વેડિંગ ડેટ સામે આવી ગઈ છે. રણવીર સિંહ અને દીપિકા પાદુકોણના મેરેજ ૧૮-૨૦ નવેમ્બરની વચ્ચે થશે. સૂત્રો પ્રમાણે વેડિંગ ડેટ ૧૯ નવેમ્બર છે. જો કે, હજુ સુધી આ વિશે કોઈ સત્તાવાર પુષ્ટિ થઇ નથી. પહેલા મીડિયામાં એવી ખબર આવી રહી હતી કે, અનુષ્કા શર્મા અને વિરાટ કોહલીના મેરેજ બાદ રણવીર સિંહ અને દીપિકા પાદુકોણ મેરેજ કરવાના છે. આ વાતે ત્યારે વધુ જોર પકડ્યું જ્યારે ‘પદ્માવત’ ના પ્રીમિયર પર આ કપલે એકબીજાનો હાથ પકડી એન્ટ્રી કરી હતી. ત્યારબાદ આ બંને મેરેજની ખબરો સામે આવવા લાગી હતી.