જો તમે હોલિવૂડના ફેન્સ છો તો તમારે વર્લ્ડ ફેમસ ટીવી સિરીઝ ગેમ ઓફ થ્રોન્સ વિશે જરૂર ખબર જ હશે. આ શોમાં ડ્રેગન ક્વીન ડિનેરિસ સ્ટ્રોમ્બોર્નની ભૂમિકા ભજવનારી અભિનેત્રી એમિલિયા ક્લાર્કની બધે ચર્ચા થઈ હતી અને આ શોમાં એમિલિયાએ એક મહાન કામ કર્યું હતું અને દેશ-વિદેશમાં તેની ખૂબ પ્રશંસા થઈ હતી. તો એમિલિયા ભારતની મુલાકાતે આવી છે.
અભિનેત્રી એમિલિયા મુંબઈમાં નહીં પરંતુ ઉત્તરાખંડમાં છે. ગેમ ઓફ થ્રોન્સ શો સમાપ્ત થયા પછી એમિલિયાએ કામમાંથી બ્રેક લીધો છે અને હવે તે રજા પર ભારત આવી છે. આ સફરમાં તેની સાથે શોમાં જોન સ્નોની ભૂમિકા ભજવનાર અભિનેતા કિટ હેરિગ્ટનની પત્ની રોઝ લેસ્લી પણ આવી છે. રોઝે ગેમ ઓફ થ્રોન્સમાં પણ સારું કામ કર્યું હતું.
અભિનેત્રીએ તેના ઇન્સ્ટાગ્રામ પર ભારત ટ્રીપની કેટલીક તસવીરો પણ શેર કરી છે અને આ તસવીરોમાં એમિલિયા અને રોજે લેવાયેલી તેની સેલ્ફી, સાંજની પૂજાનો ફોટો, એમિલિયાના રૂમમાં બેઠેલા મંકી અને અન્યનો સમાવેશ છે. એમિલિયાએ આ તસવીરો શેર કરતી એક પોસ્ટ પણ લખી છે અને જેમાં તે આપણા દેશને નમસ્કાર કરતા પોતાની ટ્રીપ વિશેની વાત કહી છે.
