મુંબઈ : બોલિવૂડ સ્ટાર ઋત્વિક રોશન એક ફિટનેસ ફ્રીક છે અને એમ કહેવું ખોટું નહીં લાગે કે તેણે આ જીન્સ તેની માતા પિંકી રોશન પાસેથી મેળવ્યું છે. ઋત્વિકની માતા પિંકી રોશન તેની ફિટનેસને લઈને ખૂબ જ સાવધ છે. તે જીમમાં જાય છે તે વર્કઆઉટ કરે છે. તે 65 વર્ષની ઉંમરે પણ એકદમ ફિટ લાગે છે.
હવે પિન્કીએ સોશિયલ મીડિયા પર ફોટો શેર કર્યા છે. તે ફોટામાં ઝાડ પર ચઢતી જોવા મળી રહી છે. પિન્કીએ ફોટા શેર કર્યાઅને લખ્યું -#tryingisbetterthannothing. (કંઇ કરતા કરતા વધુ સારું છે) તમારા ગોલ્સ મેળવવા માટે એક વધુ પગલું. ઋત્વિકને માતા પિંકીની આ પોસ્ટ ગમી છે. તેમણે ટિપ્પણી કરતી વખતે લખ્યું- લવ.
નોંધનીય છે કે, પિંકી અને તેના પુત્ર ઋત્વિક રોશનની બોન્ડિંગ ખૂબ સારી છે. માતા અને પુત્ર બંને એકબીજાની ખૂબ નજીક છે. ઋત્વિકે તેની માતા સાથેના સંબંધો પર ઘણી વખત ખુલ્લી વાત પણ કરી છે. તેણે થોડા સમય પહેલા ઋત્વિક સાથે કેટલીક ન જોઈ હોય તેવી તસવીરો પણ શેર કરી હતી. ઋત્વિકે તેની માતાને ડેડલિફ્ટ કરતો વિડીયો પણ શેર કર્યો છે.
