મુંબઈ : બોલિવૂડ એક્ટર આમિર ખાનની પુત્રી ઇરા ખાન સોશિયલ મીડિયા પર ખૂબ જ એક્ટિવ રહે છે. તે હંમેશાં તેના ફોટા અને વીડિયો સોશિયલ મીડિયા પર ચાહકો સાથે શેર કરે છે. તે હંમેશાં માનસિક આરોગ્ય અને મહિલા વિકાસના મુદ્દા પર વાતો કરે છે અને તેમના કલ્યાણ માટે પણ કામ કરે છે.
ઇરા ખાને તાજેતરમાં જ તેની ઇન્સ્ટા સ્ટોરી પર ખુલાસો કર્યો હતો કે તેની માતા રીના દત્તાએ તેને સેક્સ એજ્યુકેશન પરનું એક પુસ્તક આપ્યું હતું. ઇરાએ તેની સ્ટોરીમાં અગ્સ્તુ ફાઉન્ડેશનને પણ ટેગ કર્યું છે. તેણે કહ્યું કે જ્યારે તે કિશોરાવસ્થા તરફ આગળ વધી રહી હતી, ત્યારે તેની માતાએ તેને આ પુસ્તક આપ્યું હતું.
માતાએ સેક્સ એજ્યુકેશનનું પુસ્તક આપ્યું
ઇરા ખાને તેની પોસ્ટમાં લખ્યું છે, “મને નથી લાગતું કે મેં આ પહેલા ક્યારેય મારી જાતને સંપૂર્ણ રીતે જોઇ હતી. જ્યારે હું મોટી થઈ રહી હતી ત્યારે મારી મમ્મીએ મને સેક્સ એજ્યુકેશન બુક આપી અને તેમણે મને પોતાની જાતને કાચમાં જોવાનું કહ્યું હતું.” પરંતુ મેં આમ કર્યું નહીં મારુ શરીર પણ સામાન્ય રીતે ઘણું બદલાઈ ગયું છે. હજી લાંબી મજલ કાપવાની બાકી છે. ”
14 વર્ષની ઉંમરે જાતીય શોષણ
ઇરા ખાને આ પોસ્ટનું બિરુદ આપ્યું છે ‘બી ક્યુરિયસ’ એટલે કે વસ્તુઓ જાણવાની ઇચ્છા હોય છે. આ પહેલા ઇરા ખાને તેની એક પોસ્ટમાં ખુલાસો કર્યો હતો કે તે 14 વર્ષની હતી ત્યારે તેનું જાતીય શોષણ કરાયું હતું. તે પછી તે ડિપ્રેશનમાં ગઈ હતી.